Burela, 31 de outubro de 2019. A Mancomunidade de Concellos da Mariña entregou hoxe os diplomas aos cen participantes no segundo Plan Integrado de Emprego, que veu desenvolvendo dende finais de 2018. No programa participaron dez Concellos e o presidente da Mancomunidade, Alfredo Llano, destacou o seu éxito xa que 35 persoas lograron un traballo e dúas montaron o seu propio negocio.
Alfredo Llano contou que ue “hoxe entregamos diplomas a cen persoas que participaron no Programa Integrado de Emprego que organizou a Mancomunidade de Concellos da Mariña. Este é o segundo plan que organiza a Mancomunidade, e pensamos que é un éxito extraordinario e unha boa forma de favorecer que moita xente atope traballo ou polo menos se prepare para atopalo”.
O presidente da Mancomunidade dixo que “nesta ocasión houbo cen participantes para a mellora ocupacional e inserción laboral, e foi dirixido case exclusivamente a colectivos de baixa cualificación ou difícil inserción laboral. Desenvolveuse dende finais de 2018 ata hoxe, que rematou coa entrega de diplomas. Houbo dez concellos que participaron, da Mariña oriental foron: A Pontenova, Ribadeo, Barreiros e Riotorto; da Mariña central: Alfoz, Burela, Foz e O Valadouro; e da Mariña Occidental: O Vicedo e Viveiro”.
Llano explicou que “se impartiron módulos transversais e, sobre todo, a formación específica centrada nos sectores agrarios e de servizos, con cinco especialidades diferentes. Hai que destacar que houbo, en formación específica, cursos de instalación e mantemento de xardíns e zonas verdes que foron 280 horas, cursos de agricultura ecolóxica con 280 horas, cursos de operacións auxiliares en conservación e mellora de montes con 280 horas, cursos de operacións básicas de restaurantes e bar con 280 horas e cursos de atención sociosanitaria a persoas dependentes en institucións sociais con certificado de profesionalidade que foron 468 horas. Cubríronse todas as prazas para facer esta formación específica e, unha vez rematada, os participantes fixeron 80 horas de prácticas profesionais, que foi algo novidoso e bo para fortalecer este programa”.
O presidente da Mancomunidade de Concellos da Mariña declarou que “a obriga nosa era facilitar a inserción laboral a 35 persoas e conseguiuse unha inserción por conta allea de 34 persoas, e dúas delas crearon dúas empresas mentres estaban facendo o programa. Pensamos que na Mariña cumprimos perfectamente os obxectivos e a verdade é que houbo xente detrás que traballou moi ben e con moito rigor. Os títulos que se dan hoxe son realmente merecidos e traballados, así que imos procurar seguir con estes temas na Mancomunidade porque a evidencia nos di que é positivo e ademais a xente que participa sae moi satisfeita”.
A Mancomunidade de Concellos da Mariña entregou os diplomas aos cen participantes no segundo Plan Integrado de Emprego
Relacionado
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
