Sargadelos, 30 de Outubro de 2019. Coincidindo co Día Internacional do Cancro de mama, Sargadelos realizou unha peza exclusiva para doar o importe recadado mediante poxa á Asociación Española contra o Cancro.
A peza é unha reinterpretación de Eva, a Muller antropomórfica fileteada, unha figura de catálogo que, nesta ocasión tinguiuse parcialmente de rosa converténdose nunha peza única digna dun coleccionista. A base desta peza leva a inscrición “Peza exclusiva 1/1 – 19/10/2019”.
Despois de varios días de poxa, a través dunha coñecida plataforma a través da web, a peza alcanzou o valor de 911 €, algo que satisfai á dirección de Sargadelos por verse sorprendidos de tan grata acollida por parte do público.
O diñeiro recadado doouse á Asociación Española Contra o Cancro. Precisamente na mañá de hoxe Dona María Luz Abella, Presidenta Provincial, Ángeles Aciñeiras, Tesoureira da asociación e Pilar Busto presidenta do sector sanitario da aecc en Lugo achegáronse á planta de produción que Sargadelos ten en Cervo para facer acto simbólico da recollida de diñeiro.
En boca da Presidenta e en nome da asociación manifestou “estamos sorprendidas pola idea e a actitude cariñosa, respectuosa, sensible, colaboradora da empresa SARGADELOS cara ao problema do cancro e concretamente do cancro de mama. Emociónanos e anímanos a seguir traballando por esta causa. Pero non só nos sorprendeu esta decisión senón que estamos enormemente agradecidas por ela e é algo que non esqueceremos. Tamén estamos moi agradecidas a todos os que poxaron e a Marta e á súa irmá que ao final coa súa decisión e a súa insistencia na poxa lograron gañar esta preciosa peza única de SARGADELOS”
No acto tamén estivo presente dona Marta L., veciña de Lugo que comprou esta peza única. Segundo ela mesma manifestou, a causa de fondo que levou a facer a poxa a ela e á súa irmá Xema é dalgunha maneira facer un pequeno tributo á súa nai por todo o que pasou por mor desta enfermidade.
Desde Sargadelos agradecen a acollida da iniciativa e poñen de manifesto que non será un acto illado, xa están a pensar en facer algunha outra iniciativa de fronte ao próximo ano para colaborar coa Asociación Española Contra o Cancro, para así contribuír á investigación dunha enfermidade que, segundo o informe SEOM a data 2017 seguía sendo a segunda causa de morte en España.
A peza de Sargadelos exclusiva para conmemorar o dia internacional contra o cancro de mama alcanza os 911 €
Relacionado
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
