Lugo, 7 de novembro de 2019. O Deputado de Recursos Sostibles, Roberto Fernández Rico, xunto ao Concelleiro de Medio Rural de Lugo, Miguel Fernández Méndez, presentou este xoves no Salón de Actos do Pazo de San Marcos, as XVII Xornadas Técnicas de Vacún de Leite de SERAGRO, que terán lugar na Facultade de Veterinaria o vindeiro xoves e venres, 14 e 15 de novembro. No acto de presentación, estiveron acompañados pola presidenta e a vicepresidenta de SERAGRO, Noelia García Santoalla e Noelia Mourazos, e o organizador das xornadas, Ángel Oitaven Farrapeira. O organismo provincial colabora con este evento realizando unha achega económica de 15.000 euros.
Fernández Rico convidou a todos os interesados a participar nestas xornadas gratuítas e sinalou que “un ano máis, SERAGRO, reunirá en Lugo a prestixiosos expertos do sector agrogandeiro nun foro que xa é un auténtico referente para os productores, pois aborda cuestións de especial interese para mellorar a produtividade e competitividade das explotacións, o benestar dos animais e a calidade do producto”.
Nesta liña, o Deputado de Recursos Sostibles lembrou os proxectos que ten en marcha a Deputación para potenciar este sector e crear novas oportunidades no rural, “como o Centro de Recría, que a día de hoxe acolle a máis de 1.200 xatas. Construímolo en solitario e fixémolo co fin de mellorar o sector lácteo; facelo máis competitivo e, por suposto, facilitar a vida dos profesionais deste eido”
“A Granxa Experimental de Leite é outro destes exemplos. Deseñámola en colaboración co Campus Terra e será o primeiro centro de investigación sobre o sector lácteo da provincia. Con este proxecto, apostamos por un modelo de innovación neste ámbito que contará con 5 naves onde haberá instalacións para gando, aulas de prácticas, maquinaria ou laboratorio. O obxectivo é avanzar na redución dos custos de produción do leite, e na automatización e na incorporación das novas tecnoloxías a este proceso.”
Programa
A primeira das xornadas, o vindeiro xoves, 14 de novembro, inclúe 7 relatorios nos que se abordarán os seguintes temas: Calidade do leite nos procesos industriais, impartido polo enxeñeiro agrónomo Jaime Magdalena; A Detección de inhibidores no leite, da man da directora técnica do Ligal, María Luisa Barreal; O Leite en ecolóxico, produción responsable e sostible, impartido polo veterinario xerente da Casa Grande de Xanceda, Guillermo Martínez; A Excelencia na produción de leite, a cargo do asesor veterinario de vacún de leite, Gordon Jones; A Calidade e manexo de lactorremprazantes, da man do veterinario responsable técnico en Denkavit (Holanda), Peter Van’t Veld; e A Eliminación e descarte de vacas na explotación leiteira, impartido polo profesor da UAB, Ramón Armengol.
Na xornada do venres, 15 de novembro, impartiranse os seguintes relatorios en horario de mañá: Control de insectos, roedores e aves de vacún leiteiro, polo veterinario de vacún de leite en Assessoria Boví Lleter, David García; Secado Selectivo, da man do servizo de calidade do Leite de Seragro, Almudeda Tato; 40.000 kg de leite por vaca, a cargo da enxeñeira agrícola Rebeca Cembranos; Aplicando biotecnoloxía para a produción sostible de proteína animal nun mundo con billóns de habitantes, impartido por Juan Moreno, CEO de Sexing Technologies.
Xa pola tarde trataranse os seguintes temas: Alternativas para o descanso das vacas e os seus custos en Galicia, a cargo do técnico de Seragro, Gonzalo Gómez; Camas e saúde podal, impartido por José María García, do servizo de podoloxía de Seragro; Efecto do uso de area nas camas na fertillidade física no solo, a cargo do doutor enxeñeiro agrónomo, Adolfo López; Manexo de camas de compost e xurro reciclado na vaca de leite. Impacto na saúde do ubre, polo veterinario Oriol Franquesa; Aldapa SCL. Fracción sólida de xurro en cubículos: medos e realidades, impartido polo gandeiro socio de Aldapa SCL, Pedro Ezcurra; e A Alerxia nunha granxa de produción de leite: do produtor ao consumidor, a cargo da facultativa do CHUAC, Beatriz Veleiro.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
