Lugo, 25 de novembro de 2019. Centos de persoas uníronse este luns ao Camiño contra as Violencias organizado polo alumnado do Centro de Formación do Servizo de Audiovisuais da Deputación de Lugo, con motivo do Día Internacional da Eliminación da Violencia contra a Muller. A Deputada de Muller e Igualdade, María Loureiro, acompañada de varios membros do Goberno provincial e da Alcaldesa de Lugo, Lara Méndez, encabezou a marcha, que percorreu o centro da cidade para darlle visibilidade e promover a concienciación sobre esta problemática social.
Esta cuarta andaina reivindicativa partiu do Centro de Formación do Servizo de Audiovisuais e fixo varias paradas estratéxicas para simular as diferentes fases evolutivas polas que atravesa unha relación sentimental na que existe violencia machista. Representouse a través da danza, coa colaboración da academia Gravity, este proxecto ideado polo alumnado de Produción que reflicte, a través de catro coreografías de baile: o namoramento, a violencia verbal, a violencia física e o empoderamento da muller.
A Deputada de Muller e Igualdade e a Alcaldesa de Lugo amosaron ao remate do acto a repulsa de ámbalas dúas institucións, pero tamén tiveron palabras de alento a todas as mulleres que sofren violencia. Loureiro lembrou as 52 mulleres asasinadas no último ano pola violencia machista e incidiu en que “non podemos permitir que haxa ningunha máis. Hoxe vestimos de negro como símbolo de loito, pero tamén de loita e de compromiso social”.
Na súa intervención, destacou que os representantes institucionais “independentemente da nosa cor política, temos a obriga de combater con todas as ferramentas calquera sinal de revisionismo das violencias machistas”. Loureiro puxo o acento na necesidade de atallar o problema dende a educación, eliminando roles de xénero, os estereotipos e calquera manifestación que promova a submisión da muller e menoscabe os seus dereitos.
A Deputada valorou positivamente a boa resposta dos lucenses nesta iniciativa e saudou que diferentes asociacións e colectivos acudiran xuntos: “Simbolizamos a nosa unión como sociedade para erradicar este grave problema”.
Proxecto do alumnado
O Camiño contra as Violencias organizouno o alumnado de 1º de Produción do Centro de Formación do Servizo de Audiovisuais. A marcha estivo marcado por un grupo de rapaces e rapazas vestidos integramente de cor negro, incluídas as caretas, indicando as distintas paradas ao longo do percorrido. A primeira parada, na Praza Pío XII, representouse a fase do namoramento. Despois, os participantes na andaina pasaron pola Praza de Santa María, onde se colocaron 52 pares de zapatos negros, un por cada muller asasinada no que vai de ano e que conducían ata a segunda parada, nas escaleiras da Praza Maior, lugar no que se amosou a violencia verbal. A marcha continuou ata a rúa da Raíña, terceiro punto, onde a parella de baile representou a violencia física. Tras o paso pola Árbore da Vida na Praza de Santo Domingo, a actividade rematou na Praza de San Marcos.
Dúas vítimas de violencias machista leron o manifesto xunto á Árbore da Vida, na praza de Santo Domingo e, a continuación, realizouse unha ofrenda floral. Xa na Praza de San Marcos tiveron lugar as intervencións das autoridades e unha actuación musical de Ruth León, do colectivo Secretariado Xitano. Ao remate do acto, todas as persoas asistentes soltaron globos negros.
Praza de San Marcos
Na Praza de San Marcos penduráronse fotografías dos deputados, deputadas e do persoal da Deputación con lemas da campaña En Negro contra as Violencias. Ademais, dende o pasado xoves está despregada unha gran pancarta na fachada da institución provincial onde un “Non é Non” simboliza a enérxica repulsa da institución ás violencias machistas.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
