Ribadeo, 30 de novembro de 2019. Mañá, 1 de decembro, arrinca a Campaña de Nadal de Acisa, que culminará o 11 de xaneiro coa Festa do Comercio na que se sortearán 4.000 euros en vales de compra para gastar nos establecementos asociados. Os clientes do comercio e da hostalería poderán facerse cos rifas do 1 de decembro ata o 11 de xaneiro.
Os negocios terán a disposición dos seus clientes as rifas do sorteo que serán entregadas por cada compra realizada en calquera dos establecementos asociados de ACISA, sen importe mínimo, e a cantidade de rifas a repartir por cada compra establecerase mediante o criterio de cada comerciante. As rifas deberán estar debidamente seladas por cada establecemento de xeito visible na parte dianteira ou traseira da mesma. En total distribuiranse 200.000 rifas entre os asociados.
O día 11 de xaneiro de 2020 celebrarase o sorteo e as persoas que teñan rifas poderán depositalas nunha urna instalada para elo, na entrada da carpa situada no parque San Francisco, dende as 16:00 ata as 20:30 horas. Ademais terán que gardar a parte a conservar para participar no sorteo. Desde a directiva de ACISA explican que “a rifa na súa totalidade é para o cliente. Está composta de dúas partes, unha para el e outra é a que hai que depositar na urna o día do sorteo”.
Os 4.000 euros en premios serán repartidos en tres presenciais e un non presencial. Os presenciais serán de 2.000 euros, 1.000 euros e 500 euros en vales de compra de ACISA Ribadeo. Ningún premio quedará deserto e de non aparecer o gañador procederase a sortear de novo, “polo que os participantes deberán estar fisicamente no lugar”. Ademais haberá un premio non presencial de 500 euros en vales de compra, que se dará a coñecer o mesmo día 11 de xaneiro e sortearase mediante un programa informático que escollerá de forma aleatoria un número dos 200.000 entregados nas rifas.
O gañador do sorteo non presencial terá ata o día 17 de xaneiro para presentarse nas oficinas de ACISA Ribadeo e así cobrar o premio. De non presentarse considerarase deserto. Os gañadores premiados coas rifas agraciadas no sorteo presencial cobrarán o premio o mesmo 11 de xaneiro.
Os vales de compra de ACISA Ribadeo deberán ser gastados no período de dous meses, dende o 11 de xaneiro ata o 11 de marzo de 2020. Os vales só poderán gastarse nos establecementos asociados e terán que ser gastados de forma íntegra.
Colaboran na organización desta campaña xunto a ACISA: Concello de Ribadeo e Xunta de Galicia.
A IX Festa do Comercio foi presentada por Francisco Iriarte, presidente de ACISA; Jesús Pérez, xerente; e Carmen Cruzado, vogal da xunta directiva.
Do 1 de decembro ao 11 de xaneiro terá lugar a campaña de Nadal de Acisa, que rematará co Festa do Comercio na que sortearán 4.000 euros en vales de compra para gastar nos locais asociados
Relacionado
-
Viveiro organiza un curso de defensa persoal feminina para reforzar a prevención da violencia de xénero
-
O BNG do Valadouro denuncia que o alcalde Lamela perdeu os papeis no pleno e bloquea melloras clave para o rural
-
O parque Isaac Díaz Pardo e Luís Seoane de Cervo estrea imaxe tras un investimento municipal de máis de 261.000 euros
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
