Mondoñedo, a 23 de novembro de 2019. O goberno municipal de Mondoñedo, presidido por Elena Candia, ten preparado o proxecto de orzamento municipal para 2020, que ascende a 3.639.598,52 euros, equilibrado en ingresos e gasto. É un orzamento, segundo destaca a alcaldesa, de “marcado carácter social en tanto que centra ás persoas como a prioridade do destino dos recursos económicos do noso Concello”. As inversións, sumado o capítulo VI ás obras que está previsto executar e que non figuran nese apartado por, entre outros motivos, descoñecer aínda as aportacións doutras administracións, chegarán probablemente aos 755.000 euros.
A alcaldesa, con respecto ao carácter social do orzamento, resalta en primeiro lugar a partida destinada ao servizo de axuda no fogar. Candia pon en valor que “este servizo atende a máis de 110 usuarios e xera 25 postos de traballo”. Igualmente, a voceira do goberno e concelleira de Benestar e Facenda, Ángeles Rodríguez, engade que “estes orzamentos contribúen a consolidar o benestar dos nosos maiores e da poboación en risco de exclusión social” e mostran “o compromiso que temos co incremento dos servizos sociais entre os que se atopan o centro de menores e o transporte do centro de día, financiado con fondos do Concello”, entre outros servizos.
Rodríguez, por outro lado, explica que o incremento que representa o capítulo I, é dicir, os gastos de persoal se debe “á aplicación do novo convenio e a RPT; polo que o Concello ten que facer fronte á mellora das retribucións dos seus traballadores”. Segundo defende a edil de Facenda, “dende o Concello sempre tentamos xestionar do modo máis eficiente posible os recursos humanos municipais, desde o respecto máis escrupuloso aos dereitos laborais e económicos”.
Investimentos
“As inversións recollidas nestes orzamentos teñen como obxectivo mellorar as infraestruturas do municipio e, sobre todo, mellorar a calidade de vida de tódolos mindonienses”, manifestou a rexedora local.
Así, o capítulo de investimentos, o VI, totaliza 257.632 euros, dos que 62.633 corresponden a fondos propios do Concello. Neste apartado figura entre outras obras a renovación do alumeado público exterior do casco histórico de Mondoñedo, por importe de 172.767 euros, dos que o Concello aporta 34.553 euros.
Ao marxe das actuacións que figuran no capítulo VI están programadas polo Concello outras relevantes como é o acondicionamento da Praza da Catedral, que ten un orzamento de 258.739 euros dos 64.684 euros son fondos propiamente municipais. Igualmente, está prevista a execución do proxecto para a mellora da eficiencia e aforro de enerxía no alumeado ornamental da Catedral, que ten un custo de 156.311 euros, dos que 125.049 euros serán financiados polo IDAE.
No proxecto de orzamentos para 2020 non se inclúen, como xa se indicou, a totalidade das inversións previstas. Entre outros motivos porque se descoñece o alcance concreto das subvencións procedentes doutras administracións, tales como o Plan Marco, para o que se estima unha partida de 83.000 euros. A alcaldesa, Elena Candia, di que, ademais de orzamentos profundamente sociais, son “realistas e prudentes”. Cita igualmente o Plan Único, que na edición do presente ano totalizou 301.862,80 euros.
Rebaixa do imposto de plusvalía “ao máximo permitido polos informes”
A presidenta da corporación municipal anuncia, por outro lado, que se inician os trámites para rebaixar a carga impositiva aos veciños de Mondoñedo. Indica que no vindeiro pleno se abordará “o primeiro paso para aplicar unha redución ao imposto de plusvalía ao máximo posible, é dicir, o máximo que nos permiten os informes técnicos”, aclara.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
