Burela, 24 de novembro, 2019. O Pescados Rubén Burela FS fixo méritos para máis no gran duelo irmandiño de Primeira Masculina na casa do Parrulo (4-1). Saíron moi ben os de Juanma Marrube, con máis ocasións, aínda que sen éxito nos metros finais, e os ferroláns aproveitaron para adiantarse nas proximidades do descanso, nunha tentativa de despexe visitante. Ao regreso atoparon unha nova vantaxe os de Héctor Souto; a escuadra da Mariña reduciu distancias nun dicir amén pero tamén perdoou tres ocasións moi claras para o empate e co xogo de cinco, xa con 3-1 en contra, non obtivo o acerto necesario, co 4-1 sobre a bucina.
Saltou o Pescados Rubén cunha grande intensidade con pouco marxe de manobra dos parrulos. Renato protagonizou a primeira e con moito perigo xa no minuto 2. Lucho e R. Vargas aliáronse no 5 para asediar a meta ferrolá, con rexeite de Matamoros, pero non houbo éxito. Segundos despois, o xogador do Corgo tampouco puido finalizar a falta de Renato. Edu estivo moi atento nunha das primeiras chegadas dos locais, nas zapatillas do ex dos laranxas Iago Rodríguez, no 6. O de Narón volveu responder á perfección fronte a Saura e Rahali superado o ecuador do primeiro acto, cunha cita máis equilibrada en ambas as filas. A fortuna deulle as costas ao conxunto mariñán no 18, cun lanzamento de Adri, que estreou o luminoso en tentativa de Joselito por desviala no segundo pau. Illi volveu frear aos mariñáns co pé o disparo de Matamoros e unha volea posterior.
Tras unha primeira parte na que os burelistas mereceron máis ante un Illi moi acertado, con tan só 40 segundos da segunda, Saura subiu o 2-0 nunha rápida chegada de Rahali. Con todo, os laranxas non se minguaron e en menos dun minuto Everton reduciu, co 2-1. Pope freou a tentativa do Parrulo e na contra fóiselle alta a Álex Diz no 26. Que mágoa!!! En menos dun minuto, o 22 mariñán rouboulla a Adri na pista local e a punto estivo de atopar o empate. Volvía merecelo o Pescados Rubén e de novo perdoou, noutra recuperación de Diz e errou Luisma, moi preto do pau.
Con case nove minutos por diante, os de Juanma Marrube tiveron que facer fronte tamén á acumulación de faltas. E foi cando O Parrulo anotou o terceiro, nun saque de banda de Adri que selou Saura. Burela reaccionou con xogo de cinco abandeirado por Everton; intentouno o propio brasileiro de lonxe e máis tarde Renato e Álex, sen fortuna. Edu fixo acto de presenza no 36 ante Saura en dobre penalti para manter a loita dos laranxas. Continuou con Joselito como porteiro xogador. Mata, de costas sobre a meta, tivo o segundo e o despexe, a falta de 6 segundos, subiu o 4-1 O Parrulo, a porta baleira.
Ficha técnica
O Parrulo Ferrol FS: Illi, Adri, Saura, Rahali, Hélder, cinco inicial; tamén xogaron Miguel, Iago Rodríguez, Iván Rumbo, Diego Núñez
Pescados Rubén Burela FS: Edu, Joselito, Matamoros, Renato, Álex Diz, cinco inicial; tamén xogaron Pope, Lucho, Luisma, R. Vargas, Pitero, Everton
Goles: 1-0, minuto 18, Joselito (p.p.); 2-0, minuto 21, Saura; 2-1, minuto 22, Everton; 3-1, minuto 32, Saura; 4-1, minuto 40, Iván Rumbo
Árbitros: Carreira Romero // Ferrero Carballal. Por Ferrol amarela para Illi (minuto 5), Saura (minuto 38). Por Burela amarela para Pope (minuto 10)
Incidencias: Partido correspondente á xornada 10 de Primeira División disputado no pavillón A Malata de Ferrol. Ambas as escuadras portaron ao comezo unha pancarta polo 25N, en contra da violencia de xénero, iniciativa da RFGF.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
