Ribadeo, 23 de decembro de 2019. A comisión organizadora do Entroido ribadense ven de presentar a súa dimisión, tras comunicarllo ao alcalde, Fernando Suárez, e á concelleira de Cultura, Pilar Otero. Os seus membros alegan cansancio, así como causas de tipo laboral e persoal.
Desde a comisión sinalan que “búscase relevo para organizar o Entroido en Ribadeo. É bo que despois duns anos de traballo as persoas cambien porque iso tamén implicará novidades á hora de deseñar o programa do Carnaval ribadense”.
E subliñan que “deixamos todo pagado, a situación económica da comisión está ao día e quedan 2.500 euros na conta para os vindeiros organizadores; hai 1.920 euros pendentes de cobrar do Concello, que é o 40% da subvención que percibimos neste 2019. E queda solicitada a subvención para o vindeiro ano, que podería oscilar entre os 4.000 e os 6.000 euros”.
Desde a comisión saínte agradecen “o traballo e o apoio de todas as persoas que de xeito totalmente desinteresado colaboraron co Entroido de Ribadeo ao longo dos últimos anos; e tamén a colaboración do Concello e das veciñas e dos veciños de Ribadeo. E aproveitamos para desexarlle moita sorte á vindeiro comisión organizadora do Entroido”.
A comisión organizadora do Entroido ribadense busca relevo. Os seus membros dimiten por cansancio e por razóns laborais e persoais
Relacionado
-
“O máis heavy do Resu é chegar a Viveiro”: o BNG reclama autovía e corredor para A Mariña
-
García Caramés reivindica en Muxía a carpintería de ribeira de San Cibrao como motor cultural e identitario
-
Ribadeo presenta un proxecto pioneiro en Galicia para garantir o acceso ás praias a persoas con mobilidade reducida
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
