Viveiro, 18 de decembro de 2019.- A Xunta de Galicia sufragou os 73.326 euros investidos nas obras de renovación integral do Camiño Vello de Verxeles, en Viveiro, a través do Fondo de Compensación Ambiental que xestiona a Vicepresidencia e Consellería de Presidencia, Administracións Públicas e Xustiza.
O delegado territorial de Lugo, José Manuel Balseiro, visitou hoxe a zona e explicou que se renovaron o pavimento e os servizos urbanos co fin de mellorar a funcionalidade e a estética da contorna. Na visita participou tamén a alcaldesa, María Loureiro, entre outros.
O denominado Camiño Vello ou Camiño Real Verxeles forma parte do viario do núcleo urbano de Viveiro, sendo un dos accesos máis utilizados da cidade; a actuación desenvolveuse no treito de 270 metros comprendido entre a rúa Verxeles e a Avenida da Xunqueira.
Entre as principais actuacións que se acometeron destaca a reordenación dos sumidoiros e a conexión a unha nova rede separativa de augas pluviais, que antes discorrían libremente pola vía e ían directamente á rede de saneamento. Igualmente, melloráronse os servizos de saneamento, abastecemento e iluminación pública, instalados hai máis de 30 anos e que quedaran obsoletos debido ao uso e ao crecemento urbanístico.
Así, construíuse unha nova rede de abastecemento de auga potable e ampliouse a rede de saneamento, executando novos pozos de rexistro e incrementando a sección dos tubos da rede de augas residuais. Procedeuse á canalización dos cables do sistema de iluminación, o que permitiu liberar as fachadas e mellorar notablemente a estética da rúa. Por último, renovouse o pavimento mediante a aplicación de aglomerado en quente con 6 centímetros de espesor.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
