Burela, 6 de decembro, 2019. Tras a vitoria de hoxe en Copa da Raíña fronte a Valdetires Ferrol FSF (0-2), o Pescados Rubén Burela FS xa pensa outra vez en liga. Esta noite as Guerreiras subiranse ao autobús para medirse o domingo ao UA Alicante (12.00 horas). A cita poderá seguirse en directo por STREAMING. ENLACE
“Imos por todas, concentradas e con ganas de recuperar os tres puntos” explicaba a coruñesa Luci, deixando atrás o resultado adverso do Clásico para dar o máximo nesta nova cita: “Esperamos un rival moi forte; reforzou ben o cadro sólido que tiña. Custoulle entrar na liga, pero agora xa está tal e como esperabamos, en racha de vitorias e bos resultados” explicaba a 19 laranxa das universitarias, que defenden as sexta praza con 21 puntos e encadean seis xornadas triunfales.
No podio, o Futsi defenderá o liderado (36 puntos) en derbi fronte ao Alcorcón, cuarto clasificado (26), e Ourense Envialia, terceiro (29), medirase ao Penya Esplugues, sétimo (19 puntos).
Sen descanso ao acabar o partido, Luci terá que facer as maletas para reunirse coa Selección Española, xunto ás tamén Guerreiras Peque, Jenny Lores e Ana Romero. “Non o esperaba. É unha alegría inmensa que Clàudia pense en min outra vez. Ademais síntome doblemente afortunada porque terei a oportunidade de xogar con España por primeira vez en Galicia” así se mostraba a xogadora burelista tras o chamamento da Vermella o domingo pasado. As catro mariñás sumarán aos seus dous partidos en tres días, outros dous, en Marín o martes (20.00 horas) e Burela o mércores (21.00 horas). Tamén será unha semana internacional para Jenny, que defenderá a Portugal fronte a Rusia en Albufeira.
Todos os efectivos laranxas estarán dispoñibles para a xornada 13, a excepción de Cris Pérez, na recta final da súa recuperación xunto a Comarcal A Fervenza, e Cilene, inmersa na concentración do Brasil para Copa América (13-20 de decembro).
Billete para oitavos
Os goles de Luci e Jenny Lores selaron o billete para oitavos da Copa de SM A Raíña esta mañá no pavillón ferrolán de Esteiro, ante o Valdetires FSF, de Segunda División. As burelistas internacionais anotaron nos minutos 2 e 17 para garantir o primeiro paso nesta competición que cambia de formato.
Ficha técnica
Valdetires Ferrol FSF: Carmen, Sheila, Lidia, Paula, Ainhoa, cinco inicial; tamén xogaron Diana, Suki, Erika
Pescados Rubén Burela FS: Jozi, Dany, Peque, Bea Mateos, Luci, cinco inicial; tamén xogaron Lara Balseiro, Jenny Lores, Ale de Paz, Jenny, Jane, Ana Romero
Goles: 0-1, minuto 2, Luci; 0-2, minuto 17, Jenny Lores
Árbitros: Salina Barcia // Amor Vizoso. Por Valdetires amarela a Ainhoa (minuto 31). Por Burela amarela a Bea Mateos (minuto 14).
Incidencias: Partido correspondente a dezaseisavos de Copa de SM A Raíña disputado no pavillón de Esteiro (Ferrol).
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
