Burela, 9 de decembro, 2019. Este xoves 12 e venres 13 de decembro celébrase en Burela o primeiro Congreso Nacional de Artes de Pesca, promovido pola Fundación EXPOMAR co obxectivo de poñer en valor as artes de pesca en perigo de desaparición, así como o intercambio de coñecementos sobre as artes doutros territorios de ámbito nacional.
Durante estas dúas xornadas intervirán profesionais relacionados co mundo pesqueiro de ámbito nacional e galego, así como representantes de confrarías de pescadores de diferentes puntos de España.
O Congreso iníciase na tarde do xoves poñendo en valor as artes de pesca e o papel das novas xeracións, cunha conferencia a cargo de Basilio Otero Rodríguez, presidente da Federación Nacional de Confrarías de Pescadores e Patrón Maior da Confraría de Pescadores de Burela.
Tamén se exporán as especies diferenciais e as artes de pesca en distintas áreas xeográficas, centrando o protagonismo nas Confrarías de Pescadores, xa que participan José Caballer Torrent, presidente da Comunidade de Pescadores El Palmar (Valencia); Juan Mercant Terrasa, Director Xeral de Pesca e Medio Mariño do Goberno das Illas Baleares; e Manuel Suárez, Patrón Maior da Confraría de Pescadores de Tarifa (Andalucía).
A primeira xornada pecharase cunha mesa de debate sobre as boas prácticas para unha pesca sostible, na que tamén intervirá o coordinador de pesquerías de WWF España, Raúl García Rodríguez.
Durante a mañá do venres trataranse diversos temas, como a “xestión de portos en Galicia”, a cargo do xefe da zona norte de Portos de Galicia, Antonio López Fernández; a “capacidade de crecemento do sector pesqueiro”, por María do Carme García Negro, doutora en Ciencias Económicas e Empresariais e profesora de Economía Aplicada na Universidade de Santiago; a “conexión rural-mar no impulso do tecido socioeconómico a través do turismo”, por Vidal Martínez-Sierra López, presidente do Grupo de Desenvolvemento Rural Terras de Miranda; a “pesca recreativa e rexistro de capturas en Galicia”, por José Antonio Beiro Diz, presidente da Federación Galega de Pesca Marítima Responsable e Náutica de Recreo; e as “oportunidades de financiación para o sector pesqueiro”, a cargo do director de ABANCA Mar, Javier Fraga Díaz.
A media mañá terá lugar un “café networking” e este primeiro Congreso Nacional de Artes de Pesca pecharase cunha mesa de debate sobre “a innovación no sector pesqueiro”, na que tamén participará Concepción Blanco Fanego, directora de exportación e importación de Pescados Rubén.
Este congreso, que terá lugar no Salón de Actos de Armadores de Burela ABSA, é unha actividade que se desenvolve dentro do proxecto “Centro de Coñecemento do Patrimonio Cultural Pesqueiro”, promovido pola Fundación EXPOMAR e financiado polo GALP A Mariña Ortegal. Na páxina web da Fundación Expomar www.expomar.com pódese atopar máis información sobre contidos e inscricións.
Esta semana debátese en Burela sobre a pesca sostible e a innovación no sector pesqueiro
Relacionado
-
Viveiro impulsa a creación dunha unidade de atención temperá conxuntamente con Ourol e O Vicedo
-
As Festas do Oito ofrecerán gastronomía, música e actividades infantís do 4 ao 7 de setembro no Valadouro
-
A parroquia de Sante, en Trabada, celebra este domingo a terceira edición da Voltiña con percorridos e paellada popular
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
