Ribadeo, 14 de decembro de 2019. Ribadeo acollerá este Nadal un centro de ocio infantil e xuvenil desde o día 21 deste mes ata o 5 de xaneiro nunha carpa de grandes dimensións instalada na Praza de España. Aquelas persoas que fagan as súas compras ou consumicións nos locais asociados a Acisa obterán descontos do 50% nos prezos das entradas. RibaXogo foi presentado no salón de plenos do Concello.
O concelleiro de Comercio e Desenvolvemento Local, Pablo Vizoso, subliñou que “esta iniciativa, denominada RibaXogo, chega a Ribadeo para desfrutar do Nadal e tamén par animar as vendas e dinamizar o comercio local, precisamente nestes momentos de maior actividade e como un gran atractivo do comercio local”. RibaXogo está organizado polo Concello ribadense coa colaboración de Acisa.
Vizoso dixo que “en RibaXogo haberá numerosas atraccións para nen@s e rapaces de todas as idades: multicircuíto de cars (a pedais) ou bañeiras tolas, simulador de surf, espazo infantil e para obradoiros, rokomonte, barredora ou wipe out, parede interactiva e, ademais, nunha parte anexa á carpa estará a atracción Battle Area para xogar con dispositivos Nerf, lanzamento de bolas de esponxa nun xogo de equipos e de estratexia. outras. Tamén se desenvolverán diversas actividades de forma alterna case todos os días como visitas de Papá Noel ou do carteiro real, futbolín humano, Mini Láser Tag no exterior da carpa, karaoke, Mascota Disney, xogos xigantes, contacontos, xogos tradicionais, visita do Apalpador, fotomatón con Digital Chroma, etcétera”.
O edil ribadense contou que “RibaXogo estará aberto todos os días desde o 21 deste mes ata o 5 de xaneiro, excepto o 25 de decembro e o 1 de xaneiro. De luns a xoves o horario de apertura será de 17 a 21 horas e os venres, sábados e domingos funcionará ademais de 12 a 14 horas e tamén polas tardes de 17 a 21 horas. Os días 24 e 31 de decembro, é dicir Noiteboa e Anovello, abrirá de 12 a 14 horas e de 17 a 20 horas. Os prezos para gozar das atraccións e actividades de RibaXogo son de 3 euros polas mañás e de 5 euros para toda a xornada. Os que presenten tíckets dos establecementos asociados a Acisa Ribadeo terán un desconto do 50 por cento”.
Pablo Vizoso subliñou que “RibaXogo é unha iniciativa coa que se pretende atraer a nenos e nenas, rapaces e rapazas de todas as idades porque hai diferentes atraccións e actividades que lles encantan desde os mais pequenos e tamén so que xa non son tan pequenos. Ademais algunhas delas son novas e será a primeira vez que se instalen na Mariña, sobre todo nesta combinación de actividades cunha duración tan prolongada e cuns prezos reducidos, aínda máis co desconto que se aplicará aos que presenten tíckets das compras ou consumicións feitas nos establecementos asociados a Acisa”.
O concelleiro de Comercio e Desenvolvemento Local engadiu: “pero a oferta do Nadal en Ribadeo non só é Ribaxogo, a programación de Nadal complétase, grazas ás Concellarías de Mocidade e de Cultura, coa XXV edición do Festival de Panxoliñas a cargo da Coral Polifónica de Ribadeo, cun curso de iniciación á robótica e outro de programación de móbiles android, co concerto da Banda Municipal de Ribadeo Aquí como en Viena, coa VII edición dos Cantos de Nadal e con diversas actividades teatrais a través do programa Apego e, por suposto, coa Cabalgata de Reis.
Vizoso rematou a súa intervención animando “á xente de Ribadeo, e tamén doutros concellos tanto da Mariña como de Asturias, a que se acheguen á nosa vila durante o Nadal porque a oferta lúdica, de ocio e cultural que van atopar é moi interesante e deseñouse pensando en todas as idades, ademais do agradable que resulta desfrutar de Ribadeo nunha época coma esta do Nadal”.
Pola súa banda, o presidente de Acisa, Francisco Iriarte, sinalou que “outra vez máis a colaboración do Concello e Acisa, cada un dentro das súas posibilidades, volve poñerse de manifesto polo Nadal. Tras varios anos coa pista de xeo, unha iniciativa coa que fomos pioneiros en Asturias e Lugo, este ano chega RibaXogo, que cubre un abanico máis amplo de idades”.
Iriarte manifestou que “perseguimos facer de Ribadeo o centro do Nadal en Asturias e Lugo”. E subliñou que “aquelas persoas que fagan as súas compras ou consumicións nos establecementos asociados terán un desconto do 50% nas entradas para RibaXogo. Quero darlle as grazas ao Concello pola súa colaboración e agardamos que RibaXogo sexa do agrado de todos os ribadenses e visitantes”.
No acto de presentación de RibaXogo participaron o alcalde, Fernando Suárez, os concelleiros de Comercio e Mocidade, Pablo Vizoso e Mariluz Álvarez, así coma o presidente e o xerente de Acisa, Francisco Iriarte e Jesús Pérez.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
