Viveiro, 23 de xaneiro de 2020. O Concello de Viveiro está moi presente na edición 2020 de Fitur Madrid, unha das feiras turísticas máis importantes do mundo. Desde a xornada deste xoves, os representantes da corporación alí presentes reciben unha gran acollida polo variada oferta da vila.
Viveiro acudiu a Fitur a promocionar a súa oferta turística, o seu patrimonio natural e histórico, a Semana Santa e outros eventos xa consolidados como o Resurrection Fest. “O primeiro balance é moi satisfactorio, vemos como chegan os resultados da nosa ambiciosa programación cultural, deportiva e de ocio durante todo o ano, os turoperadores internacionais coñecen e recomendan a nosa vila”, afirma a alcaldesa, María Loureiro.
A alcaldesa participou en primeiro lugar na presentación que realizou a Deputación de Lugo baixo o título ‘Lugo, vén!’. Alí falou na súa intervención “da Romería de Naseiro e a Rapa das Bestas, ambas de Interese Turístico; a Festa da Merluza do Pincho, de Interese Turístico Gallego e emblema da nosa gastronomía; o Mercado Renacentista; a Mostra Folclórica Internacional; o Belén Viveiro ante o Berce; ou a Semana Santa, que mañá presentaremos e que, xunto a Ferrol, é a única de Galicia distinguida como Festa de Interese Turístico Internacional”.
Posteriormente, no stand de Turespaña, estivo tamén na presentación oficial da Rede Europea de Celebracions da Semana Santa e Pascua, que empezou a andar en 2018 e que se constituiu en Braga (Portugal) en febreiro de 2019, co obxectivo de acadar o 1º Itinerario Cultural Europeo de Celebracions de Semana Santa e Pascua, formado por distintos países.
“Considerada como unha das mellores de Galicia e do norte de España, destaca pola riqueza patrimonial da súa imaxinería e pola súa antigüedade, xa que a súa orixe se remonta ao século XIII; nas cofradías se integran uns 3.500 cofrades e a Semana Santa de Viveiro inclúe quince procesións”, explicou no acto a alcaldesa de Viveiro.
“Pola súa historia, tradición e devoción; polo esforzo, traballo e dedicación de todos os seus cofrades e polo compromiso de todo o pobo de Viveiro, a nosa Semana Santa foi declarada, en 2013, Festa de Interese Turístico Internacional, sendo a primeira de Galicia e de toda a cornisa cantábrica en obter esa distinción”, engadiu.
Mancomunidade da Mariña
Xa pola tarde, no stand de Galicia, Viveiro tivo tamén un papel destacado na presentación da Mancomunidade da Mariña Lucense, na que se deron a coñecer distintas experiencias de turismo slow.
“Podería dicirse que tanto Viveiro, como toda a Mariña Lucense, comparten unha característica; 16 concellos que ofrecen paraxes naturais únicas; un patrimonio histórico admirable; unha gastronomía rica e variada; ou gran cantidade de eventos lúdicos, culturais e deportivos, entre outras opcións; en definitiva, unha comarca na que cada cal pode atopar o tipo de turismo que máis de adapte aos seus gustos e necesidades”, manifestou Loureiro.
O Venres tamén no stand de Galicia, a alcaldesa intervirá na presentación das Semana Santa en Galicia, na que unha vez máis Viveiro será protagonista.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
