Lugo, a 27 de xaneiro de 2020. Mentres os membros do Goberno de España practican o xogo da confusión con respecto á fecha en que chegará a Galicia o AVE, os servizos convencionais de ferrocarril con destino ou saída de Lugo sofren cada día incidencias a causa do envellecemento das infraestruturas e do material rodante. A maiores, Renfe teima no seu intento de pechar o servizo de venda presencial de billetes en tres estacións da provincia, aínda que parece que temporalmente a presión institucional (desde a propia Xunta aos concellos) e social fixo que reconsidere tal medida. Os populares presentan iniciativas en distintos ámbitos institucionais para esixir para Galicia, en xeral, e para Lugo en particular os servizos de calidade que precisa. O Grupo Provincial Popular espera que os grupos que conforman o goberno da Deputación apoien a moción que neste senso presentará na sesión plenaria de mañá.
Os deputados provinciais do PP din que os lucenses non entenderían que o goberno presidido por Xosé Tomé votase contra unha proposta para instar ao Goberno a que rectifique a súa decisión de deixar sen servizo de venda presencial de billetes ás estacións ferroviarias de Burela, Sarria e Viveiro e a tomar as medidas oportunas para garantir o mantemento deste servizo nestas estacións, sen impoñer á administración local abrigas de financiamento dunha competencia exclusivamente estatal.
Tampouco sería entendido polos cidadáns lucenses que socialistas e nacionalistas non apoiasen a reclamación ao Goberno presidido por Pedro Sánchez para que presente un cronograma real e actualizado sobre a evolución das obras do AVE en Galicia, o inicio do período de probas e as previsións de posta en servizo.
Ninguén pode negar que as infraestruturas ferroviarias que serven a Lugo están obsoletas na súa maior parte. Polo tanto, é de esperar, din os populares, que Tomé e os deputados socialistas e nacionalistas apoien a demanda ao Goberno de que se melloren as infraestruturas ferroviarias galegas en territorio lucense e se renove o material rodante mediante unha actualización progresiva do mesmo.
Na moción que se debaterá mañá, indícase con respecto ao peche da venda presencial de billetes como foi a secuencia entre a decisión do Goberno de pechar este servizo e a de mantelo provisionalmente. O Goberno decidiu no seu momento que a partir do 31 de decembro de 2019 quedarían sen o citado servizo oito estacións ferroviarias de Galicia, concretamente: na de Ortigueira, na Coruña; en tres da provincia de Lugo: Burela, Sarria e Viveiro; en dúas da provincia de Ourense: O Carballiño e Ribadavia; e dúas da provincia de Pontevedra: Guillarei (Tui) e Redondela. Dise na moción: «Ante o peche das taquillas, a única alternativa presencial que se lles ofreceu inicialmente aos usuarios foi adquirir o billete a través de Correos. Sen embargo, esta sociedade estatal aplica un suplemento do 5% ao prezo de billete. lsto supón un novo encarecemento, xa que a, principios de ano, Renfe subiu o custo dos billetes nun mínimo dun 1% en función do traxecto. Ante o malestar evidente que esta medida está a provocar nos usuarios, o 15 de xaneiro o Ministerio de Transportes, Mobilidade e Axenda Urbana anunciou a súa intención de manter só dun xeito provisional este servizo,”mentres se buscan solucións definitivas mediante acordos de colaboración con deputacións e concellos interesados en manter a venda presencial”».
Por outro lado, os populares indican que «a decisión do Goberno socialista de suprimir o servizo de venda presencial de billetes nalgunhas estacións, tres delas na nasa provincia, e ás continuas incidencias que hai en liñas que serven a Lugo, súmanse os novos retrasos recoñecidos para a posta en servizo do AVE que debería unir o noso territorio coa Meseta». Agregan: «O informe elaborado polos técnicos da Xunta o pasado outubro xa aseguraba que as obras non ían acabar a finais de 2019, tal e como comprometeran o presidente do Goberno, Pedro Sánchez, e o ministro de Fomento, Ábalos. E é evidente que as obras non acabaron en 2019, nin van rematar en xaneiro nin en febreiro de 2020. Este informe tamén dicía que o AVE a Galicia non ía estar en condicións de entrar en servizo nin en 2020 nin, probablemente, en 2021, Ano Xacobeo. O Goberno socialista negouno, pero agora a Comisión Europea di o mesmo que a Xunta, que antes de 2022 non imos poder coller o AVE». Estes días, varios membros do Goberno deron fechas diferentes, para finalmente quedarse coa de 2021, a todos luces practicamente imposible de cumprir.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
