Lourenzá, 18 de xaneiro, 2020. O voceiro do Grupo Municipal Popular de Lourenzá, Javier Rodríguez Barrera, condena que “o goberno local nos queira facer cómplices do intento de legalización dunha obra pola porta de atrás. É inmoral”. O popular censura que “o goberno do PSOE abra este procedente gravísimo” trala aprobación en pleno -cos votos a favor do PSOE e abstención cómplice do BNG- da recualificación do núcleo rural de O Bordón que permite legalizar unha construción privada cando a licenza municipal solicitada e concedida era para “obras de rehabilitación de vivendas” e non para “a obra nova que se pode ver na web de Catastro”.
Rodríguez Barrera advirte que “no caso de querer construír obra nova, sería necesario modificar a cualificación do solo antes de comezar os traballos, unha fórmula legal segundo a normativa vixente, e non despois”. Polo tanto, o popular explica que “o Grupo Municipal Popular votou en contra” porque “consideramos que, con isto, o goberno local está a trasladar aos veciños e veciñas que se pode pedir licenza para unha cousa e logo facer o que queiran”.
Nesa liña, o voceiro popular esíxelles aos socialistas que “melloren os mecanismos para que isto non volva suceder” e que se limiten a “cumprir coa lexislación vixente como é a súa obriga como responsables da administración local” á vez que “empreguen as súas competencias para a mellora da vida dos veciños e veciñas”.
De feito, Rodríguez Barrera advirte que “esta recualificación pode afectar negativamente aos veciños que levan toda a vida asentados na zona á hora de ampliar as edificacións da súa explotación gandeira”. Nese sentido, o popular critica que “dende o goberno local non explicaran esta situación aos veciños da zona” e, polo tanto, que “non os tiveran en conta”.
Os populares laurentinos quixeron deixar claro que “o último que queremos é que tiren a vivenda porque cremos que non molesta a ninguén, que está mellor que o que alí había antes -unhas ruínas cheas de maleza-, e que pode aportar algo a Lourenzá”. Con todo, lamentan a actuación do goberno municipal do PSOE á hora de permitir esta recualificación nun caso no que ten aberto un expediente a Axencia de Protección da Legalidade Urbanística (APLU) coa que o Concello ten asinado un convenio para velar pola aplicación da normativa urbanística vixente.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
