Viveiro, 13 de xaneiro de 2020. Mentres en toda Europa se potencia o uso do ferrocarril, na provincia de Lugo e sinaladamente na Mariña resulta cada día máis difícil poder recorrer a este medio de transporte para os desprazamentos. O peche, xa executado por Renfe, da venda presencial de billetes é un paso máis na supresión de servizos aos viaxeiros. O PP de Viveiro presenta unha moción ao pleno para instar ao goberno municipal a que faga xestións para que Renfe repoña a venda presencial de billetes e incremente o número de servizos que ofrece na Mariña. Os edís populares confían en que a alcaldesa, María Loureiro, sexa coherente co seu pasado recente e apoie esta iniciativa, como apoiou, entre outras, a levada a cabo en novembro de 2017 para reclamar mellores servizos ferroviarios na Mariña.
A concelleiro José Soto expón que Renfe vai eliminando prestacións aos veciños. Por un lado, hai menos viaxes diarios dos trens e, por outro, suprímense servizos como o da venda presencial de billetes, o cal obriga aos usuarios a adquirilos ben nunha máquina (en Viveiro, está fóra de servizo e os viaxeiros teñen que coller os billetes xa no tren) ben en correos. O grupo que ten por portavoz a Óscar Rodríguez di: «Esta decisión de pechar nas estacións a venda de billetes prexudica claramente o mantemento dos servizos de calidade e proximidade aos cidadáns do rural, e incide no deterioro dos servizos ferroviarios, ademais da posible perda de postos de traballo de calidade».
Os concelleiros populares de Viveiro resaltan a necesidade do mantemento deste servizo nas estacións de ferrocarril para garantir e preservar en igualdade de condicións a calidade dos servizos a todos os cidadáns. Hai que primar -din- a atención de proximidade aos viaxeiros do rural fronte aos meros criterios económicos, máxime sendo un servizo público esencial. Tamén recordan que hai dous anos Renfe atendeu as xestións realizadas polo Goberno galego e abandonou o plan de peche destes servizos.
Os populares propoñen na súa moción que o pleno acorde «que o equipo de goberno faga as xestións necesarias para solicitar que Renfe rectifique a súa inxusta decisión de suprimir a partir do 1 de xaneiro de 2020 a venda presencial de billetes na estación de Viveiro, privando así aos usuarios do ferrocarril de servizos que estaba previsto manter».
Por outro lado, pretenden que o pleno indique ao goberno municipal que «faga as xestións necesarias para solicitar a Renfe que aumente o servizo de transporte na Mariña, incluídos servizos máis directos desde Viveiro ás zonas de Universidade, para que os estudantes da Mariña poidan desprazarse nun período de tempo razoable. Demandan tamén «un servizo de cercanías máis axeitado ás necesidades da veciñanza para poder desprazarse tanto ao Hospital da Costa como ao resto da Mariña».
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
