Burela, 11 de xaneiro, 2020. O Pescados Rubén Burela FS estreou a segunda volta esta tarde no regreso da liga, impoñéndose no derbi irmandiño na casa do Poio Pescamar FSF. Logo dunha primeira parte toma e daca (2-2), as Guerreiras conseguiron tomar vantaxe ata o 2-4; as locais volveron entrar no partido con xogo de cinco, pero Jozi sentenciou a cita co definitivo 3-5 na recta final.
O duelo galego comezou con moitas ganas de gol. Á tentativa de Dani Sousa xa no minuto 2, respondeu Peque cun potente disparo que se estrelou contra a escuadra. O 5 de xogo cumpriuse con novas oportunidades por ambas as filas; tras Irene sobre a rede de Ana Romero, Luci a punto estivo de estrear o luminoso, de cabeza, nunha vaselina de Peque. Ana Escribano puxo o 1-0 no minuto 6 e as mairñás tiveron que esperar ata o 15 para devolver táboas, grazas á ex do Poio Jenny Lores. Con todo, pouco tardou o conxunto local en adiantarse, cunha volea de Carol. A falta de minuto e medio para o descanso, Cilene recuperou o empate, a pase de Dany, e logo de atopar o oco necesario entre a defensa pontevedresa.
Tras o tira e afrouxa do marcador na primeira parte, o Pescados Rubén Burela soubo como apropiarse dos tres puntos. A capitá, Bea Mateos, deulles a primeira vantaxe no derbi ás de Julio Delgado, aos sete minutos do reinicio. Tras o 2-4, de Lara Balseiro, as locais optaron por xogo de cinco. Restaban case dez minutos e conseguiron reducir no 33, con Dani Sousa, a pase de Iria Saeta. Con case catro minutos por diante, Burela subiu a quinta falta. Salvou Jozi, aliada con Ale de Paz, a perigosa chegada do Poio para o empate. De novo a brasileira, a falta de 1’55”, e de portería a portería subiu o 3-5 para dar tranquilidade na recta final ás mariñás. Ale de Paz aínda dispuxo dunha de ouro para o sexto antes do desenlace.
Ficha técnica
Poio Pescamar FSF: Caridad, Dani Sousa, Miriam, Irene, Clara cinco inicial; tamén xogaron Carol, Ana Escribano, Ana Rivera, Iria Saeta
Pescados Rubén Burela FS: Ana Romero, Cilene, Peque, Ale de Paz, Jenny Lores, cinco inicial; tamén xogaron Bea Mateo, Dany, Luci, Cristina, Jenny, Lara Balseiro
Goles: 1-0, minuto 6, Ana Escribano; 1-1, minuto 15, Jenny Lores; 2-1, minuto 15, Carol; 2-2, minuto 19, Cilene; 2-3, minuto 27, Bea Mateos; 2-4, minuto 31, Lara Balseiro; 3-4, minuto 33, Dani Sousa; 3-5, minuto 39, Jozi
Árbitros: Carreira Romero // Vilas López. Por Poio amarela a Silvia (minuto 15). Por Burela amarela a Jenny (minuto 27)
Incidencias: Partido correspondente á xornada 16 de Primeira Feminina disputado na Seca.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
