Ribadeo, 26 de febreiro de 2020. Acisa Ribadeo acaba de renovar o seu convenio de colaboración con Iberdrola con condicións competitivas de contratación enerxética e outros produtos e servizos para os seus asociados e asociadas.
O convenio recolle un desconto do 3% extra no termo de enerxía durante 12 meses ou no seu defecto un desconto do 5% na potencia. Ademais Iberdrola ofrecerá asesoramento gratuíto para a optimización dos seus consumos e análises dos contratos eléctricos por parte da empresa para presentar a mellor oferta.
O xerente da Asociación de Comerciantes, Industriais, Servizos e Autónomos, Jesús Pérez, subliñou que “en Acisa seguimos a traballar para ofrecer a mellor cobertura ás nosas socias e aos nosos socios, a través dos diferentes convenios que asinamos con empresas eléctricas, como nesta ocasión, ou con entidades bancarias ou outras firmas”.
Pérez Prada engadiu que “aqueles establecementos que estean interesados en obter máis información sobre este convenio con Iberdrola poden dirixirse ao teléfono 982 10 87 65. Teñen que identificarse como socios de Acisa. A compañía conta cun listado dos locais adheridos á nosa asociación”.
Asemblea extraordinaria
Mañá, 27 de febreiro, terá lugar a asemblea xeral extraordinaria de Acisa na que tomará posesión dos seus cargos a nova directiva, que encabeza Francisco Iriarte, como presidente; e ao que acompañan Roberto Rivas, como vicepresidente; Maria Antonia López Lens, como secretaria; Manuela Torviso Pérez, como tesoureira; e como vogais Carmen Cruzado Iglesias e Jose Antonio Lombardero Bellón.
O xerente de Acisa sinalou que “a nova directiva vai presentar as liñas de traballo a seguir nos dous próximos anos, que están enmarcadas nun novo proxecto. Ademais darase a coñecer unha nova ferramenta para aos asociados e asociadas e para os clientes, que será unha novidade moi útil, de aí a importancia de asistir a esta asemblea, que dará comezo ás 20:30 horas no salón de actos da antiga Casa Sindical”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
