Trabada, 13 de febreiro, 2020. O ciclo Trabada de Cine, impulsado polo Concello, continuará o vindeiro sábado coa proxección de ‘A Esmorga’, filme galego dirixido por Ignacio Vilar, que asistirá ao pase e participará nunha mesa redonda posterior á película.
‘A Esmorga’, que gañou seis premios Mestre Mateo, entre eles o de mellor actor para Antonio Durán “Morris”, no papel de Milhomes, é unha adaptación da novela homónima de Eduardo Blanco Amor, que se converteu nunha das obras narrativas máis recoñecidas da literatura galega. Completan o elenco Miguel de Lira (que interpreta a Cibrán) e Karra Elejalde, como Bocas.
A historia está ambientada na cidade de Ourense, lugar onde se rodou e onde transcorre a noite de festa dos tres personaxes principais. A cinta proxectarase ás 21.00 horas, na casa da cultura de Trabada, a entrada é de balde ata completar aforo.
Esta será a segunda proxección do ciclo de cine, despois do pase de ‘Sicixia’, dirixida por Ignacio Vilar, o pasado 18 de xaneiro. Unha película ambientada na Costa da Morte e recomendada para o fomento da igualdade de xénero. O propio director explicou aos asistentes a súa visión do filme, da rodaxe do mesmo e tamén da arte do cinema.
CANTOS DE TABERNA
A proxección da ‘Esmorga’ non será o único atractivo cultural de Trabada na vindeira fin de semana, pois o venres volverán os Cantos de Taberna, por terceiro ano consecutivo.
A música tradicional animará desde as 20.00 horas a noite no Mesón Camiño Norte e na A Taberna da Curuxeira.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
