Viveiro, 13 de febreiro de 2020. O Concello de Viveiro anima aos mozos e mozas de entre 16 e 30 anos a participar como voluntarios no ‘Programa Servizo Voluntariado Xuvenil 2020’ organizado dende a Oficina Municipal de Voluntariado e a Oficina Municipal de Información Xuvenil.
Este programa, ao abeiro dunha subvención da Dirección Xeral de Xuventude, Participación e Voluntariado da Xunta de Galicia, pretende brindar á mocidade a oportunidade de desenvolver unha serie de posibilidades no ámbito persoal e profesional, e contribuír a aumentar a súa dispoñibilidade de cara ao emprego e a súa participación na sociedade en xeral.
A iniciativa enmárcase dentro da Concellería de Servizos Sociais e Inmigración e componse de diferentes actividades de apoio educativo e de lecer a colectivos en situación de risco que se levan a cabo durante todo o ano.
Hai un compoñente sensibilizador e formativo, xa que a través do mesmo pódese formar a un equipo de voluntarios/as que desexen colaborar de forma solidaria na organización destas actividades. A labor dos/das voluntarias/os basearase na intervención con menores e adultos, para fomentar a súa formación, promover o coñecemento, e aproveitar os recursos do noso concello.
A alcaldesa de Viveiro, María Loureiro, destaca a importancia de que “os mozos e mozos participen neste tipo de iniciativas, que lles servirán como experiencia persoal e profesional, estou convencida de que non esquecerán a súa labor como voluntarios”.
O programa vai dirixido voluntarios/as con idades comprendidas entre os 16 e os 30 anos que teñan, preferiblemente, algunha formación na área educativa ou social. Ten unha duración comprendida entre 15 e 60 días, desde o 1 de xaneiro ata o 31 de outubro de 2020, en función das indicacións da orde de convocatoria da axuda da Dirección Xeral de Xuventude, Participación e Voluntariado.
“Como actual concelleira de Benestar Social e participante do Programa de Voluntariado Xuvenil da Xunta en 2018, insto a toda a xuventude de entre 16 a 30 anos con interese no eido social e educativo a participar polo enriquecedor da miña propia experiencia, no só a nivel laboral senón especialmente persoal”, asegura a concelleira Victoria Baamonde.
“Formar parte dun proxecto coma este supón unha oportunidade única na que formar parte dun equipo multidisciplinar cun interese común, apoiar o desenvolvemento integral de aqueles nenos, nenas e adolescentes que mais o necesitan”, engade.
A mocidade interesada en participar deberá cubrir unha ficha solicitando a participación voluntaria no programa e acudir á Oficina Municipal de Voluntariado, situada no Centro de Servizos Sociais (avda. de Cervantes s/n), os martes en horario de 10:30 h. a 13:30 h., ou chamando os teléfonos 982 550421/982 562149.
Tamén poden ir á Oficina Municipal de Información Xuvenil, situada no Concello de Viveiro, de luns a venres en horario de 10:15 h. a 13:30 h., ou chamando ao teléfono 982 560128.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
