Burela, 25 de febreiro, 2020. As pupilas de Julio Delgado e Lucas non quixeron deixar nada ao azar. O Pescados Rubén Burela FS aliouse á perfección coa intensidade, seriedade e concentración para encamiñar o primeiro envite de semifinais da XIV Copa Galicia esta mañá na pista do líder de Segunda, Viaxes Amarelle FSF, e facer reinar o brillo laranxa goleador ata o 1-10. Vista Alegre acollerá o encontro de volta o 18 de marzo. A final está prevista para o 11 de abril.
Xa no primeiro acto, as mariñás conseguiron unha vantaxe de 0-6. Tras os tantos temperáns de Cilene, nun disparo frontal axustado ao pau xa no 1 de xogo, e Lara Balseiro, dende saque de esquina no 3, ampliaron distancias Peque no 7, de novo a viveirense no 13 e Jenny Lores no 18. Nos últimos compases antes do descanso, o saque de falta burelista deu en María Gómez antes de perforar a rede.
Chegando ao ecuador do segundo acto, Jenny recolleu na área herculina para subir o 0-7, engalanado con dobre diana de Ale de Paz (minutos 30 e 32) e unha vez máis coa maxia de Cilene (32). O Amarelle tan só puido batir a meta das mariñás, pouco despois, nun contragolpe, para subir o gol da honra.
Na outra semifinal, a ida entre Poio Pescamar FSF e Ourens Envialia decidirase hoxe na pista pontevedresa a partir das 20:00 horas.
Rumbo a Roldán para o sábado
As Guerreiras pecharán a semana o sábado, coa xornada 22 na pista do STV Roldán (12.00 horas, en directo por 7TV).
Ficha técnica
Viaxes Amarelle FSF: Tamara, Yaiza, Patri, Patri Romaní, María, cinco inicial; tamén xogaron Irune, Mónica, Inés, Nuria
Pescados Rubén Burela FS: Jozi, Cristina, Cilene, Peque, Lara Balseiro, cinco inicial; tamén xogaron Lores, Jenny, Dany, Luci, Ale de Paz
Goles: 0-1, minuto 1, Cilene; 0-2, minuto 3, Lara Balseiro; 0-3, minuto 7, Peque; 0-4, minuto 13, Lara Balseiro; 0-5, minuto 18, Jenny Lores; 0-6, minuto 19, María (p.p.); 0-7, minuto 27, Jenny; 0-8, minuto 30, Ale de Paz; 0-9, minuto 32, Ale de Paz; 0-10,minuto 32, Cilene; 1-10, minuto 33, Inés
Árbitros: Dans Rey // Moreira Bermúdez
Incidencias: Partido correspondente á ida de semifinais de XIV Copa Galicia disputado no Sagrada Familia da Coruña
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
