Santiago de Compostela, 29 de febreiro do 2020. A Consellería de Medio Ambiente, Territorio e Vivenda estudará a posibilidade de colaborar co Concello de Cervo no financiamento dun proxecto para acondicionar a estrada que une a nova fábrica de cerámica de Sargadelos coas antigas fábricas de fundición e habilitar un paseo peonil. Este foi o compromiso que asumiu a conselleira Ángeles Vázquez no transcurso dunha xuntanza co alcalde Alfonso Villares, quen lle trasladou a importancia destes traballos para mellorar e poñer en valor unha zona que soporta a diario unha gran densidade de tráfico pesado.
Concretamente, a actuación centraríase no acondicionamento e reurbanización dun tramo da estrada LU-1505, que vai desde a nova fábrica de cerámica ata a ponte que cruza o rego de Sargadelos e o tramo final, onde están as antigas fábricas de fundición da compañía. O obxectivo dos traballos previstos pasa por habilitar un paseo peonil na marxe dereita da estrada, paralelo ao seu trazado, co fin de permitir un mellor tránsito de vehículos e persoas.
Neste sentido, o rexedor explicoulle a Ángeles Vázquez que nestes momentos o grao de urbanización da zona pode considerarse deficitario, con tramos da calzada reasfaltados debido á gran densidade de tráfico pesado que circula pola mesma. Así mesmo, tamén incidiu na escasa dimensión dos espazos peonís, insuficientes para poder asumir o fluxo de desprazamentos a pé actual. Ademais, o concello quere aproveitar a intervención para darlle unidade ao conxunto substituíndo todas as infraestruturas existentes, mediante o soterramento dos cables e dos postes para reducir o impacto visual.
Tras comprometerse a analizar a viabilidade de colaborar na execución deste proxecto, a conselleira lembroulle ao alcalde que a Xunta pon a disposición dos concellos varias liñas de axudas para o desenvolvemento de intervencións urbanísticas que, como esta, buscan potenciar as infraestruturas, os servizos e os equipamentos municipais e, en definitiva, mellorar o benestar e a calidade de vida nas vilas galegas.
Neste sentido, a conselleira animou ao alcalde a presentar o seu proxecto de acondicionamento para a contorna das instalacións de Sargadelos e comprometeuse a estudar posibles vías de cofinanciamento entre o departamento autonómico e o goberno municipal para levalo a cabo.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
