Alfoz, 22 de febreiro de 2020. Desde a ANPA do CEIP Plurilingüe Castro de Ouro de Alfoz, queremos darlle difusión á Xornada de Portas Abertas que se celebrará o vindeiro venres 28 de Febreiro entre a 9:30 e 12:00 horas, convidando aos pais e nais que contemplen a idea de escolarizar aos seus nenos e nenas no noso colexio.
O CEIP Castro de Ouro é un colexio plurilingüe no que destaca a gran interacción entre o propio centro e as familias, levando a cabo unha educación sen masificacións nas aulas. O baixo número de alumnos por aula permite unha educación máis familiar, inclusiva e con maior atención á diversidade, fomentando a socialización do alumnado.
As aulas do centro contan con pizarras dixitais e nelas os alumnos de primaria utilizan tablets como material didáctico de apoio. Ademais, as familias do CEIP Castro de Ouro poden optar á gratuidade dos libros de texto de infantil e primaria grazas as axudas do concello e a ANPA.
Para a conciliación familiar o CEIP Plurilingüe Castro de Ouro de Alfoz conta actividades gratuítas a cargo do concello como o servizo de madrugadores e actividades de ocio e estudio de 16:00 a 19:00, ademais de escolas deportivas.
Desde a ANPA realízanse igualmente actividades para todas as idades como baile, diverciencia, natur-arte, art atack, cociña ou teatro, así como xornadas de actividades e excursións.
O centro conta con comedor con cociña nas propias instalacións onde diariamente comen todos os alumnos de infantil e primaria.
O centro e a ANPA agradecen a visita das familias interesadas na participación desta xornada esperando poder darlle a benvida a novos alumnos, arroupándoos dentro da familia do CEIP Plurilingüe Castro de Ouro.
O CEIP plurilingüe Castro de Ouro de Alfoz celebra unha xornada de portas abertas o vindeiro venres 28 de febreiro
Relacionado
-
Medio Rural reafirma a súa aposta pola conservación e impulso das razas autóctonas na Feira de Gando de Augaxosa en Riotorto
-
O BNG denuncia que o Centro de Saúde do Valadouro volve quedar cun só médico tras dous anos de recortes
-
O CFEA Pedro Murias de Ribadeo arrinca o curso cun novo ciclo superior e récord de estudantes
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
