Lugo, 25 de febreiro de 2020. O Goberno da Deputación de Lugo levará ao Pleno ordinario deste mércores unha proposta para pedir á Xunta de Galicia que incorpore o uso de drons á atención sanitaria no rural. O Executivo autonómico licitou en setembro un plan para axudar aos peregrinos con problemas cardíacos a través de desfibriladores, que chegarán a localizacións xeográficas complexas mediante dispositivos aéreos non tripulados.
A institución provincial considera que este tipo de programa non debe limitarse ao Camiño de Santiago, senón que ten que se plantexar como unha opción para explorar a mellora na atención sanitaria en caso de doenzas cardíacas ou doutro tipo de patoloxías nas que a intervención rápida resulta fundamental.
A Xunta asegura que os desfibriladores, cos que estarán dotados os drons para cubrir os 160 quilómetros do Camiño Francés en Galicia, son de uso sinxelo e a persoa que acompañe ao paciente estará guiada por persoal sanitario desde a Central de Coordinación do 061. A Deputación entende que a incorporación tecnolóxica que supoñen os drons, combinada co programa Lugo, provincia cardioprotexida —posto en marcha pola institución provincial cun investimento inicial de 60.000 euros e que permitirá dotar a 49 Concellos de desfibriladores e formación para o seu uso—, e coordinada coa rede de centros sanitarios, unidades móbiles e ambulancias, pode supoñer unha ferramenta importante para garantir os tempos de resposta máis rápidos en zonas de difícil acceso.
A Deputación considera que “o uso das novas tecnoloxías pode abrir un novo campo á hora de achegar a atención sanitaria ás persoas residentes en zonas rurais de poboación dispersa ou acceso complexo. Os servizos sanitarios son un factor capital á hora de fixar poboación no rural e cumpre explorar todos os camiños de mellora para contribuír a frear e reverter os procesos de despoboamento”.
Coa moción, o equipo de goberno solicita á Xunta de Galicia a posta en marcha dun plan integral que incorpore o uso de drons á prestación sanitaria pública; dotar da correspondente partida orzamentaria ao devandito plan; e establecer os mecanismos de coordinación necesarios.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
