A CIG fai un chamamento a participar nas mobilizacións que ten convocadas en todas as comarcas para o vindeiro día 10 de Marzo, Día da Clase Obreira Galega baixo o lema “Recuperar dereitos para avanzar. Na defensa da Industria e do Emprego en Galiza”.
A historia contemporánea do movemento obreiro galego está construído desde as mobilizacións do ano 1972, nos últimos días da ditadura franquista. As protestas comezaron en Ferrol no mes de marzo, continuaron meses despois en Vigo, e tiveron no asasinato pola policía franquista dos traballadores da antiga Bazán Amador e Daniel a maior expresión da represión vivida. Mártires dunha loita pola dignidade, contra a precariedade das condicións de traballo, por salarios xustos e por defender a negociación colectiva en Galiza e non en Madrid.
Por esa razón o 10 de Marzo é sempre unha data combativa para a CIG, demostrando que os dereitos que hoxe temos recoñecidos, e constantemente ameazados, son o resultado das loitas da clase traballadora. Neste 2020, 48 anos despois, a loita continúa para a recuperación e conquista dos nosos dereitos.
A central insiste na necesidade de derrogar xa as reformas laborais e das pensións
A CIG esixe a derrogación inmediata das reformas laborais do 2010 e 2012 porque aumentan a extensión e o asentamento da precariedade laboral, os baixos salarios, a pobreza laboral, as facilidades e abaratamento do despedimento que as empresas teñen á súa disposición, o menú variado das vellas e das novas formas de explotación laboral, a utilización da contratación a tempo parcial, unha media de contratos anuais por persoas asalariadas do 4%, etc; son a realidade dunhas Reformas Laborais, 2010 (PSOE) e 2012 (PP) que seguen inxustificadamente en vigor.
Porque fomentan a estatalización e centralización da negociación colectiva que invaden as nosas competencias á hora de poder negociar as nosas condicións de traballo e os nosos salarios através dos convenios sectoriais provinciais e galegos.
Porque afondan nas desigualdades sociais e de xénero, o aumento da fenda salarial, a falla de medidas reais para garantir unha presenza en igualdade das mulleres, son tamén unha realidade aumentada ante a vixencia das reformas laborais.
Salarios xustos e pensións dignas
De igual xeito, a central reclama a derrogación inaprazábel das reformas das pensións de 2011 e 2013 porque, ao igual que as reformas laborais e da negociación colectiva, están a provocar que se aprofunde o feito de termos os salarios e as pensións máis baixas do Estado español.
Os salarios en Galiza están hoxe, en termos reais, un 7,6% por debaixo dos niveis de 2009. O peso das rendas dos traballo segue descendendo no PIB mentres aumenta o das rendas do capital e as desigualdades de xénero non diminúen. Medra o colectivo de persoas traballadoras que apenas chegan ao salario mínimo, as persoas máis novas son as que menos cobran e son as que traballan maioritariamente no sector servizos, sendo onde máis se crea emprego, pero onde se estenden os baixos salarios, non chegando aos 10.600 euros/ano.
En Galiza estamos preto de que o 50% da poboación estea ou ben na pobreza, ou ben na extrema pobreza, ou ben camiño da pobreza.
Non derrogar na súa integridade as reformas laborais, combinada coa non aplicación da Carta Social Europea e o recente incremento do SMI para o ano 2020 a 950 euros, cronifica esta situación e imposibilita unha recuperación salarial que permita vivir en condicións dignas.
A Mariña, en perigo de desindustrialización
A situación da Mariña é especialmente crítica. Á intranquilidade que se vive na maior industria da provincia e nas empresas auxiliares, con mais de dous mil postos de traballo directos afectados, súmase a debilidade pola que atravesan outras empresas históricas nesta comarca. Costiñas, Muebles Hermida son os exponentes desas empresas do interior da comarca, ligadas a un sector primario, o forestal, que é clave na economía da Mariña. Son referentes no seu sector e imprescindibles para fixar poboación nos concellos do interior.
É por iso que, na nosa comarca, imos conmemorar o 10 de marzo en Lourenzá, diante da empresa Muebles Hermida, con unha concentración de delegados e delegadas ás 12h., co fin de chamar a atención das administracións e do conxunto da sociedade e recordar a importancia do mantemento destas empresas.
Pola tarde asisitiremos á manifestación que a CIG ten convocada en Lugo ás 20h.. con saída diante do edificio sindical.
A CIG convoca mobilizacións o 10 de Marzo, Día da Clase Obreira Galega, en todas as comarcas. Na Mariña será en Lourenzá
Relacionado
-
A Deputación investirá 260.000 euros na mellora de dúas estradas clave de Burela
-
O Concello de Viveiro lembra as normas de seguridade e convivencia para a Romaría do Naseiro, que comeza este venres
-
Ribadeo vive unha fin de semana gastronómica con catro grandes citas: Feira do Mel, Festa da Ría, Carne ao Caldeiro e Mercado do Camiño
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
