Santiago, 16 de marzo. Galicia en Común-Anova Mareas esixiu hoxe ao presidente en funciósn da Xunta o inmediato reforzo nos medios técnicos e humanos para probas de diagnose e asistencia telefónica, así como un paquete urxente de medidas no ámbito socioeconómico que se anticipen e minoren os efectos que esta pandemia está xa a ter sobre a economía das familias galegas para evitar que paguen a crise as maiorías sociais.
“Hai que deixar fóra da axenda actual as eleccións do 5 de abril e destinar todos os recursos a crise sanitaria. É de sentido común”, afirmou Gómez-Reino, ao termo da longa reunión telemática mantida hoxe co presidente en funcións da Xunta e o resto de forzas, no que se abordou a información propiamente sanitaria polo miúdo, para ter unha diagnose clara da situación, pero na que tamén se urxiu ao Goberno galego a adoptar medidas no inmediato para anticiparse as consecuencias económicas sobre as familias galegas.
O candidato de Galicia en Común-Anova Mareas facía hoxe estas declaracións nunha rolda de prensa interactiva desde o seu domicilio na Coruña, onde continua illado desde o pasado venres a espera dos resultados da proba de Covid19 que os sanitarios lle practicaron no día de onte cumprindo co protocolo, a través do número de atención telefónica e atendendo as indicacións para as persoas que procedían de zonas de risco, logo de que se detectaran varios positivos no Congreso dos Deputados.
“A miña primeira mensaxe hoxe é de solidariedade para as persoas ingresadas, agarimos as familias dos falecidos e de agradecemento ao enorme exemplo de conciencia cívica e o esforzo colectivo da sociedade galega ante o reto que temos por diante”, quixo sinalar Gómez-Reino ao inicio da súa intervención, para facer un recoñecemento expreso do inxente traballo que están a facer estes días os servizos sanitarios, as emerxencias, na distribución alimentaria, o persoal de coidados e todas e todos os que fan, co seu esforzo cotiá, que vaiamos adiante nestes días anómalos”.
“Desde Galicia en Común-Anova Mareas temos a convicción clara de que nas próximas semanas temos a obriga de destinar todos os recursos a crise sanitaria. É imprescincible o reforzo dos medios técnicos e humanos na asistencia telefónica para desfacer o embudo xerado e máis medios, tamén, na realización das probas para a diagnose”, subliñaba Gómez-Reino.
O candidato da coalición GeCAM apostou hoxe por un acordo en dous tempos entre as forzas políticas galegas para adiar os comicios e buscar nova data desde o consenso e a necesaria lealdade que require unha situación tan inédita e extraordinaria como esta. “Sexa cal sexa o proceso, terá que facerse desde o consenso”, afirmou.
“A nosa proposta, Galicia en Común-Anova Mareas, ten que ver con que haxa un traballo constante entre o Goberno galego en funcións e as forzas con representación na Deputación Permanente do Hórreo para seguir traballando”, instaba Gómez-Reino, que demandou a convocatoria con carácter semanal da conferencia de presidentes.
O candidato da coalición facía fincapé na urxencia de que o Goberno en funcións da Xunta faga uso das súas compentencias e active, no inmediato, unha bateria de medidas que se anticipen e minoren as consecuencias que esta crise sanitaria está xa a ter sobre a economía das familias galegas para que ningún traballador e traballadora teña que pagar a factura desta pandemia.
Neste senso, abogou por instar ao Consejo General del Poder Judicial (CGPJ) a que deixe en suspenso a execución hipotecaria, reforzar a dotación orzamentaria do Risga (Renda de Inclusión Social de Galicia), aumentar a cobertura dos autónomos e servirse de ferramentas como o Igape para dar soporte e apoio as empresas. Asemade, pediu mais atención e sensibilidade coa violencia de xénero ante sinais que puideran agudizar a lacra da violencia machista neste estado excepcional de confinamento nos domicilios, algo polo que amosou a súa especial preocupación, pensando nas mulleres que se atopen, se cadra, mais indefensas ante o seu agresor.
Por último, e preguntado polas informacións que implican tanto o rei emérito como ao actual en situacións anómalas de supostas e gravísimas irregularidades económicas, Gómez-Reino foi claro e contundente no sentido de que ten que abrirse unha investigación con todas as garantías para esclarecer con total profundidade esta situación. “Cremos que mais aló de que a casa Real sexa unha institución vixente, ten que cumprir con todas as normas de transparancia e rendición de contas dunha democracia e nesa liña traballamos”, sentenciou.
O candidato de Galicia en Común-Anova Mareas reanudará mañá a xuntanza telemática co presidente en funcións da Xunta, a través dunha videoconferencia co resto de forzas políticas fixada para as 12:00 horas, para estudar os informes xurídicos comprometidos polo presidente en función, Alberto Núñez Feijóo, e avanzar desde o consenso nas cuestións que demanda a sociedade galega.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
