Xove, 21 de marzo, 2020. Dende o día 18 de marzo, como medida preventiva, estanse realizando traballos de desinfección diario das beirarrúas no entorno de todos os locais que permanecen abertos (Centro de Saúde, farmacia, supermercados, peixería, panadería, estanco e entidades bancarias).
O día 12 de marzo, o Concello pechou ó público tódolos servizos municipais que supoñían tránsito de persoas, e polo tanto podían supoñer un foco de contaxio, como son a Escola Infantil, piscina e ximnasio municipal, pavillón de deportes, campos de fútbol, ximnasia de mantemento, obradoiros de tempo libre, salón de actos, biblioteca, oficina de información xuvenil, escola de música, centro de maiores. Dende ese mesmo día informouse ó persoal municipal adscrito a eses servizos que debería permanecer nas súas casas.
Dende o día 16 de marzo o resto do persoal municipal que quedaba en servizo, como o de obras ou oficinas xerais do Concello tamén permaneceron nas súas casas estando localizados só para casos de emerxencia. Dende ese momento só serven no Concello en horario de oficinas: Alcalde, Secretario Xeral, unha persoa para atención telefónica e outra para atención a casos de urxencia. Segue a realizar o seu traballo no horario habitual o servizo de vixilancia, así como 2 persoas para limpeza de rúas durante o tempo necesario. Tamén, fan gardas localizadas unha brigada de obras, electricistas e servizo de fontanería.
Séguese a prestar o Servizo de Axuda no Fogar nos seguintes casos: dependencia, e libre concorrencia nos casos que segundo informe dos servizos sociais municipais se considerou que debería prestarse pola situación de vulnerabilidade, expresamente persoas maiores que viven soas ou que necesitan axuda pola súa situación persoal. Neste momento préstase o servizo a uns 70 veciños.
Polos motivos expostos é necesario aclarar ós veciños, como resposta a varias chamadas recibidas nos últimos días, que mentres dure a situación de emerxencia actual, o Concello non realizará ningunha labor que non se considere urxente e imprescindible.
É necesario que entre todos colaboremos, limitando ó mínimo imprescindible os movementos para evitar o contaxio e expansión do coronavirus. Este é o único xeito de saír da situación actual no menor prazo de tempo.
Pedimos polo tanto a máxima colaboración e respecto ás indicacións da administración, dos profesionais sanitarios e das forzas de seguridade que están poñendo as súas vidas en risco para axudar ós demais.
Gracias a todos os veciños pola comprensión.
Demetrio Salgueiro
Alcalde de Xove
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
