A Mariña, a 2 de abril de 2020. A CIG vén de presentar denuncia na Inspección de Traballo, Consellaría de Sanidade e Subdelegación do Goberno para esixir que se dote a todas as traballadoras e traballadores das residencias de maiores, dos centros de atención a persoas con discapacidade e dos centros de menores da provincia, tanto públicos como privados, dos medios de protección necesarios e adecuados á actual emerxencia sanitaria.
Así mesmo, tras a aparición dos primeiros casos de contaxio confirmados no CAPD de Sarria , da Milagrosa e das Gándaras en Lugo ou na residencia que DomusVi xestiona en Castro Ribeiras do Lea (Castro de Rei), e nomeadamente no caso da Mariña en residencias de Burela , Foz e Mondoñedo, a CIG demanda tamén a realización de test de detección a todas as persoas residentes nestes centros e a todas as traballadoras e traballadores, e que estas probas se repitan de xeito periódico.
A central entende que comprobar o número de positivos resulta imprescindíbel para delimitar a incidencia do contaxio e atallar a posíbel extensión, evitando así que se convertan nun novo foco da enfermidade, como xa ten ocorrido noutras vilas de Galiza.
De igual maneira, dende a CIG solicítase extremar as medidas de limpeza e desinfección, como medida mínima imprescindíbel para o control da propagación da enfermidade.
Tanto o persoal como os usuarios e usuarias destas centros están expostas a un grave risco por contaxio da COVID19 dende o comezo da emerxencia sanitaria. Por iso, a CIG solicitou dende o primeiro momento e en reiteradas ocasións que se adoptaran as medidas de prevención e protección urxentes e axeitadas.
Agora, as deficiencias das escasas medidas aplicadas estanse a evidenciar coa aparición dos primeiros casos de contaxio. Esta situación provoca ademais que o persoal destes centros estea sufrindo unha exposición innecesaria ao propio risco biolóxico pero tamén, unha situación de estrés emocional e ansiedade ao vérense expostos a un risco grave, inminente e descoñecido ante o que se senten totalmente desprotexidos no ámbito laboral.
Unha ansiedade común á que se dá noutros centros de traballo onde se continúa coa actividade, pero incrementada se considerando a especial vulnerabilidade ao risco das persoas residentes.
A CIG demanda medidas de protección e que se realicen test a todas as persoas residentes e traballadoras das Residencias da Terceira Idade e Centros de atención á discapacidade
Relacionado
-
Preto de 3.000 persoas formáronse en novas tecnoloxías grazas ao programa da Deputación E para dixitalizarse, Lugo
-
Pontón critica a Rueda que non teña máis política industrial que a “carta contaminada” de Altri derrotada pola cidadanía
-
Ameijide: “O silencio de Carmela López e Efrén Castro sobre que van facer con Tomé é tan cómplice como o dos encubridores do caso”
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
