Cervo, 23 de abril, 2020. Dende a plataforma das auxiliares de Alcoa San Cibrao queremos amosar a nosa profunda preocupación por este novo anuncio de paro de cubas, que parece amosar que botamos a andar cara o desmantelamento da factoría.
O anuncio de parada de cubas, cando chegan o fin do ciclo de vida útil, parece unha mostra de desinterese de voltar a poñelas en funcionamento en canto o mercado mundial se reactive, de haber interese de voltar a arrancalas estas cubas seguirían o proceso de desbrascaxe e realización do mantemento ordinario para o seu arranque inmediato en canto o mercado o “permita”.
Alcoa debe ser clara ante cales son as intencións e cal é o plan de futuro da factoría.
Esta medida de paro de cubas afecta directamente, e unicamente DE MOMENTO, ao redor de 50 traballadores de empresas auxiliares que agora mesmo ven perigar o seu posto de traballo.
Cando esta plataforma botou a andar diciamos que o noso principal medo e que a mínima que chegase un golpe mal dado os primeiros en ver cortado o seu pescozo seríamos nós, os traballadores das auxiliares.
Pois ben, por desgraza non fai falta seguir argumentando esa posición, e a historia absolveunos. De novo o eslavón máis feble da cadea volveu rachar.
Por isto solicitamos a Dirección de Alcoa e a dirección das EMPRESAS AUXILIARES INVOLUCRADAS un compromiso social coa comarca, que ningún traballador vexa eliminado o seu posto de traballo e sexan recolocados noutras actividades dentro da factoría. Ou, como mínimo, o compromiso en que ningún traballador verá reducida a súa capacidade adquisitiva.
Esta comarca arrimou o hombro, e segue arrimando, solicitando unha tarifa eléctrica estabel e competitiva para o futuro de Alcoa, pois é o momento de ver agora o compromiso de Alcoa coa comarca e cos seus veciños.
Tamén solicitamos que o comité de Alcoa e as distintas seccións sindicais fagan súas as nosas reivindicacións ao igual que esta plataforma e os seus representados fixemos nosas as súas reivindicacións cando as creimos xustas.
Por último, pero non menos importante, mandar a nosa forza e total apoio aos traballadores afectados e os delegados sindicais de ditas empresas. Estamos a vivir unha situación social que nos ten as mans bastante atadas, máis isto pasará e estaremos aí como sempre estivemos e con a única intención que nos ocupa: DEFENDER OS POSTOS DE TRABALLO DOS NOSOS COMPAÑEIROS.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
