Ribadeo, 4 de abril de 2020. Acisa Ribadeo valora de xeito positivo as medidas fiscais adoptadas polo Concello de Ribadeo “xa que serán unha axuda para o comercio e a hostalería, que son os sectores que se están a ver máis prexudicados polo peche ocasionado pola crise sanitaria do coronavirus o pasado 14 de marzo, un día antes de que se decretase o estado de alarma”.
Para o presidente de Acisa, Francisco Iriarte, “non cobrar algunhas taxas, durante o tempo no que se prolongue esta situación ou devolver as xa cobradas, suporá un alivio para hostaleiros e comerciantes, que levan máis de medio mes cos seus locais pechados. Refírome as taxas das terrazas, a recollida do lixo, o subministro de auga ou outras que lles poidan afectar. Este é un primeiro paso do Concello, pero agardamos que haxa máis”.
Iriarte Quintana dixo que “unímonos tamén á solicitude plantexada á Deputación de Lugo para que sexa flexible co cobro do IBI, do IAE e do imposto de vehículos de tracción mecánica. Sería moi importante que os aprazasen para mais adiante e que despois nos permitisen o seu fraccionamento”.
E engade que “o momento polo que estamos atravesando é duro e complicado para todos, de aí a necesidade de tomar medidas valentes e amplas”.
O presidente da Asociación de Comerciantes, Industriais, Servizos e Autónomos de Ribadeo dixo que “en Acisa seguimos traballando para dar servizos aos nosos asociados e asociadas e para buscar solucións á situación que están atravesando o comercio e a hostalería locais, así como para as consecuencias que isto terá nun futuro próximo”.
Acisa ven de editar e remitir aos asociados unha pequena guía coas principais medidas económicas, fiscais e laborais adoptadas polas diferentes administracións desde que se instaurou o estado de alarma. “Esta guía contempla boa parte das liñas destinadas a autónomos e pymes. O que pretendemos con ela é aglutinar nun documento toda a información para que os asociados e asociadas de Acisa coñezan todas as medidas ás que se poden adherir contando sempre coas indicacións e a xestión das súas asesorías e xestorías”, engadiu Fracisco Iriarte.
Acisa tamén agradece “a disposición do Concello de Ribadeo para abordar nos vindeiros días, nunha xuntanza por vídeo conferencia, en qué situación se atopan agora mesmo o comercio e a hostalería e un plan de apoio para eles”. Iriarte Quintana subliñou que “desde Acisa traballamos estes días nun plan que lle imos presentar ao Concello cunha batería de medidas a adoptar e de iniciativas coas que pretendemos, entre todos, revitalizar ambos sectores. Queremos que o proxecto sexa analizado e acordado entre Acisa e o Concello. Temos que estar preparados para o que vai vir despois do confinamento. A economía local, ao igual que a global, vai estar moi resentida e por enriba de nós planeará a sombra de peches de pequenos negocios. Temos que loitar duro para intentar evitalo. E iso so poderemos facelo todos xuntos”.
Acisa Ribadeo valora de xeito positivo as medidas fiscais adoptadas polo Concello
Relacionado
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
