Ribadeo, a 26 de abril de 2020. O voceiro do Grupo Municipal do Partido Popular de Ribadeo, Daniel Vega, explica que a Xunta de Galicia facilita a educación a distancia coa doazón de distintos recursos facilitados pola consellería de Educación, Universidade e Formación Profesional. Vega relata que o Goberno de Galicia prevé ampliar a entrega xa realizada de 2.750 portátiles con conexión á rede de balde dirixidos principalmente ao alumnado de 4º da ESO, 2º de Bacharelato e 2º de FP; así coma a aquelas familias que non dispoñan nos seus fogares de ordenador ou conexión á rede.
Trátase de recursos xa existentes a través da estratexia EduDixital 2020 -aulas virtuais de webs dinámicas, plataforma E-Dixgal, portal Espazo Abalar, rede profesional Redeiras, plataforma online Agueiro, aplicación Abalar Móbil e plataforma online Escolas na nube- aos que se engaden outros facilitados trala declaración do estado de alarma.
É o caso da posta en marcha dun novo espazo de servizos dixitais educativos que ofrece información e da acceso aos recursos anteriores; a posta a disposición dos docentes dunha guía para a teleformación; materiais didácticos para o profesorado de FP; unha plataforma de videoconferencia que permite aos docentes interactuar en tempo real co alumnado a través de imaxe e son; ou a apertura de contidos da plataforma E-Dixgal grazas á colaboración cos provedores da plataforma.
E, por outra banda, o popular lembra tamén que “a consellería de Educación colabora coa CRTVG para facilitar contidos educativos de forma simultánea na web da corporación da radio e televisión pública galega e da canle G2”. Igualmente, o executivo autonómico ten habilitado axudas para as familias de usuarios de comedores escolares durante o período no que estean suspendidas as clases presenciais.
Máis protección
A Xunta vén de realizar a quinta entrega de material ao Concello. Trátase da doazón de 300 máscaras cirúrxicas, 300 luvas, 4 botes de xel hidroalcólico, 3 garrafas de lixivia e 5 traxes de protección para loitar contra a propagación do Covid-19.
Deste xeito, dende que a administración autonómica adquiriu material pola súa conta, a pesares de ser esta unha competencia que asumiu directamente o Executivo central, leva doado a Ribadeo un total de 1.378 máscaras, 1.443 luvas, 17 botes de xel hidroalcólico, 21 garrafas de desinfectante, 80 traxes de protección, 50 batas e 6 buzos.
Vega recorda que “a Xunta ten doado tamén material de protección ás dúas residencias públicas da terceira idade e ás vivendas comunitarias para contribuír a minimizar o risco de contaxios entre os maiores -un colectivo especialmente vulnerable- e os seus coidadores que traballan diariamente por prestar a atención que os maiores merecen”.
O voceiro do PP ribadense destaca “a xestión eficaz e eficiente que está a facer o executivo galego ante esta crise sanitaria e económica provocada polo coronavirus. Son diversas as medidas que ten posto en marcha o goberno de Feijóo en diversos ámbitos tanto para atender as necesidades dos galegos e galegas coma para paliar os efectos económicos da pandemia”.
“Coa achega deste material de protección, a Xunta contribúe tamén a que os traballadores municipais e os profesionais da asistencia sanitaria poidan realizar o seu traballo con garantías”. Así, pon en valor o popular este tipo de axuda en forma de material procedente dos recursos propios da Xunta, da doazón por parte de empresas, institucións e mesmo particulares.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
