Compostela, 20 de abril de 2020. Galicia en Común-Anova Mareas insta a Alberto Núñez Feijóo a rectificar de inmediato a súa política de vivenda logo de que a conselleira, Ángeles Vázquez, manifestase por escrito nunha carta ao Ministerio que prohibir os desafuizamentos “arrefría o mercado inmobiliario” no canto de protexer o dereito dos galegos e galeas a unha vivenda digna en plena pandemia do Covid-19.
“Urximos a comparencia da conselleira de Vivenda ante a Deputación Permanente do Parlamento galego por dúas cuestións: saber por que a Xunta non está a exercer as súas competencias nesta materia e, en segundo lugar, pedir a rectificación inmediata da señora Ángeles Vázquez que nunha carta ao ministro Ábalos se lamentaba porque as medidas de escudo social implementadas polo Goberno do Estado prexudicaban ao mercado inmobiliario e aos grandes propietarios”, manifestou hoxe o voceiro da coalición, Antón Gómez Reino.
“A señora conselleira de Vivenda debe rectificar”, incidiu Gómez Reino. “O fundamental agora é estar do lado das familias que teñen dificultades para pagar o alugueiros e as hipotecas”, manifestaba o voceiro de GeCAM, quen lembrou que nesa liña vai a batería de medidas proposta desde a coalición na que, entre outras cuestións, se pedía bonos de alugueiro para familias sen recursos, exonerar o pago nas vivendas de protección social ate xuño.
Gómez Reino, en rolda de prensa telemática este luns desde a sede da coalición, facía balance das demandas que Galicia en Común-Anova Mareas lle trasladaba onte a tarde ao presidente galego, logo de varias semanas adiando a convocatoria coas forzas da oposición.
“Finalmente, onte sí tivemos esa xuntanza logo de 17 horas de comparecencias de Feijoo na RTVG e so 42 minutos para dar a cara no Parlamento e de varias semanas sen convocarnos tal e como estaba acordado”, manifestaba Gómez Reino. Desde GeC-AM entendemos que esta xuntanza é imprescindible para fixar unha posición de país, consensuada, e que debera ter carácter semanal e previa a videoconferencia de presidentes autonómicos.
O voceiro tamén instaba hoxe a Feijóo a garantir que todos os profesionais sanitarios na primeira liña na batalla contra o Covid-19 non van a rematar os seus contratos o 30 de abril e demandaba, unha vez mais, “claridade absoluta” ao respecto da nova data na que se teñen que celebrar as oposicións. “A Xunta debe convocar unha mesa, fixar un novo calendario e garantir as prazas”, dixo.
Gómez Reino referíase a limitación de prezos activada polo Estado para limitar “a hiperinflación” de productos como mascarillas e xeles desinfectantes, ademais de instar a Xunta a actuar no marco das súas compentencias, como xa están a facer outras autonomías, para impulsar os mercados de proximidade, coas medidas de protección e distancia social pertinentes.
Por último, o voceiro de Galicia en Común-Anova Mareas amosaba a súa preocupación pola situación nas residencias de maiores, lembrando que a coalición ven pedindo a súa intervención desde o 24 de marzo e facía fincapé nun dato “esclarecedor”, revelado onte na prensa: “so unha das vitimas mortais da pandemia en Galicia era usuario dun centro público”.
“Isto nos sitúa no debate que terá que darse sobre o cambio de modelo nos coidados aos nosos maiores no que o público ten e debe sair reforzado”, rematou.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
