Mondoñedo, 20 de abril de 2020. A crise sanitaria provocada polo coronavirus leva aparellados serios problemas económicos que afectan a todos os sectores produtivos. O Concello de Mondoñedo quere coñecer de primeira man as necesidades de cada un para poder adoptar as medidas que con más eficacia axuden a superar canto antes unha conxuntura tan complexa como a que vivimos e que, desde o punto de vista económico, se vai vivir nos próximos meses. Con este fin, o goberno municipal de Mondoñedo inicia unha rolda de contactos cos empresarios e autónomos que non están integrados na Asociación de Comerciantes, Industriais e Autónomos, entidade coa que o Concello mantén unha permanente comunicación.
Os obxectivos desta rolda de contactos son varios, pero resúmense en dous. Por un lado, coñecer de primeira man os problemas específicos de cada sector e escoitar as súas aportacións en canto ao que consideran necesario para saír adiante, é dicir, coñecer en que pode ser de axuda o Concello. O outro obxectivo é explicar as medidas que xa se tomaron e deseñar un plan de futuro.
Para abordar estas cuestións, o goberno municipal xa mantivo conversas con todos os grupos municipais que integran a corporación. Igualmente, foron informados de como están a operar os servizos municipais na actual situación, dos resultados nas residencias e de canto está a facer o Concello nestes días.
Para facilitar a relación con todos os sectores produtivos, o Concello creou esta conta de correo electrónico: promocioneconomicamondoned@gmail.com
O Concello de Mondoñedo recorda que dispón das axudas de emerxencia social que ten establecidas, reguladas mediante a ordenanza municipal publicada no Boletín Oficial da Provincia o 7 de febreiro de 2018. Segundo se establece na citada ordenanza, os gastos que poden ser cubertos mediante este tipo de axudas son os seguintes: os derivados das necesidades básicas da vivenda habitual (alugamento, hipoteca ou recibos de subministración e reparacións básicas urxentes); aloxamento alternativo temporal; alimentación; menciñas e outros produtos de carácter sanitario que non cubra o Sistema Público de Saúde; apoio á conciliación familiar e laboral; transporte; calquera outro gasto que non estando recollido nos apartados anteriores e que os traballadores consideren preciso cubrir.
Por outro lado, o Concello decidiu suspender o cobro de alugueres de locais municipais, entre eles os da Praza de Abastos, e das taxas por recollida de lixo e ocupación de vía pública aos locais que están pechados
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
