Lugo, 18 de abril, 2020. A Asociación Provincial de Empresarios de Hostalería e Turismo de Lugo (Apehl), así como o resto de Asociacións do sector de hostalería do territorio nacional, en coordinación coa Confederación Empresarial de Hostelería de España (CEHE) e a Confederación Española de Hoteis e Aloxamentos Turísticos (CEHAT), traballa xa na creación dun selo de garantía sanitaria que certifique a seguridade dos seus traballadores, os seus visitantes e clientes.
A saída progresiva deste estado de alarma provocado polo coronavirus Covid-19 é agora una das principais preocupacións das Asociacións do sector. Pois segundo indica o presidente de Apehl, Cheché Real, “dentro dun mes ou mes e medio, máis ou menos, poderemos abrir as nosas portas, pero teremos que adoptar medidas de seguridade que antes non adoptabamos; porque a saúde de todos os usuarios e traballadores debe primar nestes momentos”.
Este selo marcaría aos establecementos de hostalería, hoteis, restaurantes, cafeterías, bares, casas rurais etc., que o obteñan, como espazos libres de Covid-19 co fin de dar confianza a todas as persoas que nel se dean cita, ben sexan traballadores ou clientes, de que poden gozar dun establecemento seguro.
O certificado crearase en colaboración coas autoridades sanitarias e proporase tanto ao Goberno Central como ás CC. AA. Con todas estas entidades decidirase se o selo será común e único para todo o país ou haberá diversificación da marca en función das peculiaridades sanitarias, turísticas e hostaleiras de cada comunidade.
Os hostaleiros traballan na creación dun selo de garantía sanitaria
Relacionado
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
