Viveiro, 18 de abril, 2020. A concelleira do BNG, Míriam Bermúdez, valora de maneira moi positiva a reunión celebrada no día de onte coa participación das asociacións de comerciantes CCHV e Beiras de Viveiro xa que era preciso escoitar as súas demandas para unha mellor comprensión da situación pola que atravesa o comercio viveirense, “fai un mes que a vimos solicitando dende o BNG xa que era previsible que ía a levar un tempo considerable chegar a solucións para este sector polo que comezar a traballar canto antes suporá un beneficio para a posterior situación de crise que sufrirá o comercio”.
As principais demandas por parte das asociacións basearonse na exención de taxas municipais, non aprazamentos, axudas ao alugueiro xa que so houbo dúas exencións de pago no noso concello e incluso co imposto do IBI que algúns dos arrendatarios tamén teñen que facer fronte así como un convenio económico entre concellos e ambas asociacións que permita dinamizar o comercio chegado o momento de rematarse o confinamento.
Neste sentido, a concelleira do BNG propuxo ás asociacións de comerciantes, que empregasen a aportación económica dese convenio non só para levar a cabo campañas publicitarias se non para investilo en elaborar unha gran plataforma virtual do comercio viveirense e meterse de cheo neste mercado, “xa que a pesar do confinamento as ventas por internet non caeron senon todo o contrario, polo que é preciso que o comercio de Viveiro cree unha gran plataforma que ofreza este servizo de compra online á veciñanza”, recalca Míriam Bermúdez.
Demandou do goberno do PSOE o compromiso de manter e coñecer o importe das axudas económicas que ían destinarse á celebración de eventos e festas que non van poder materializarse, para elaborar con ese orzamento resultante unha bolsa de remanente que permita sufragar axudas ao pequeno comercio, quedando á espera de que se ofrezan os datos concretos por parte da consellería da facenda. Neste sentido dende o BNG o pasado 5 deste mes, solicitabamos unha reunión coa intervención para coñecer de preto a situación económica do concello á espera de ser convocados.
Na memas liña, se propuxo o compromiso coa Deputación, coa que se manteñen diferentes convenios económicos para celebración de eventos sendo preciso reorientear a finalidade dos mesmos mantendo os importes e ter así unha fonte de ingreso máis. Destacar ademáis, que no Plan Único asinado a principios de mes, permítse destinar unha porcentaxe do total de 500.000€ destinados ao Concello de Viveiro, para subsanar aquelas situacións derivadas da actual crise sanitaria.
Tamén se solicitou a posibilidade de ofrecer por parte dos técnicos de emprego do concello, asesoramento ao pequeno comercio en canto á solicitude de axudas e trámites burocráticos, así como a difusión entre este sector das axudas das distintas Administracións para evitar posibles perdas de solicitudes por parte dos comerciantes, tal e como manifestaban dende a Asociación Beiras de Viveiro.
Por último no relacionado directamente co turismo, a concelleira dirixiuse ao director da FCAM para propoñer que dende esa institución se promova unha gran campaña a nivel comarca, para redescubrir a Mariña por parte da veciñanza, potenciar o turismo de cercanía, sostible fomentando as potencialidades de cada concello xa que dada a situación actual, pasará tempo ata poder recibir turistas doutras localizacións.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
