CCA Burela reparte 1000 pantallas e 1100 mascarillas cirúrxicas gratuítas entre os seus comercios asociados

 Burela, 2 de maio, 2020.O Centro Comercial Aberto de Burela repartirá durante os vindeiros días 1000 pantallas protectoras gratis entre os seus establecementos asociados para que, tanto propietarios como traballadores, poidan volver á actividade cos máximas garantías.
Ademais xa se repartiron entre os locais que están abertos, unha remesa de 500 mascarillas cirúrxicas, adquiridas a través da Federación Gallega de Comercio. A estas uniranse outra partida de 600 que se compraron a través de A Mariña Comercio (FCAM) e que se irán entregando, tamén gratuitamente, segundo se vaian abrindo o resto de establecementos.
Con estas entregas, a asociación quere contribuír na medida das súas posibilidades a retomar a normalidade comercial dando as máximas garantías de protección tanto a persoas traballadoras como a clientes.
Xogando Xuntos
Tamén lembramos que a campaña Xogando Xuntos continúa a partir do vindeiro luns a través das redes sociais de CCA Burela e que pretenden promover a creatividade local.
Os comerciantes locais de Burela chaman a concienciarse e a seguir confiando no comercio de proximidade e indican que con todos se todas seguimos Medrando Xuntos