Lugo, 5 de maio de 2020. O grupo provincial do BNG presentará ao vindeiro pleno da Deputación de Lugo unha moción de apoio as traballadoras e traballadores da factoría de Alcoa en San Cibrao e, especialmente ao persoal das empresas auxiliares, despois de que a dirección da multinacional anunciase a suspensión das tarefas de rebrascaxe das cubas de electrolise.
A decisión de Alcoa provocou o anuncio de Ertes que afectarán a uns cincuenta traballadores e que ameaza a viabilidade das empresas auxiliares, que dependen en boa medida dos contratos anuais da alumineira. Ademais, os sindicatos coinciden en valorar a medida como unha ameaza para a continuidade da propia factoría cervense xa que, na práctica, a paralización das tarefas de rebrascaxe supón a paralización de entre 5 e 7 cubas ao mes.
Atendendo ás reivindicacións que a Plataforma de empresas auxiliares -que aglutina preto dun milleiro de traballadores– ven de trasladar aos grupos políticos, o BNG presentará ao pleno provincial unha moción que solicita adopción das seguintes medidas:
– Rexeitar a medida anunciada pola multinacional de non rebrascar as cubas
– Manifestar o apoio da institución ao persoal afectado polos Ertes anunciados
– Solicitar a mediación da Xunta de Galicia para evitar que sexa efectiva a decisión da multinacional e se busque unha solución para que non paren as cubas, así coma para que ningún traballador de empresas auxiliares perda o seu posto de traballo.
– Solicitar do Goberno do Estado a súa inmediata intervención para que a multinacional non deixe morrer a nosa factoría e non se perda ningún posto de traballo.
A deputada nacionalista Mónica Freire Rancaño agarda que “a proposta teña o apoio unánime de todos os grupos políticos” xa que, argumentou, “a moción recolle as demandas dos traballadores das empresas auxiliares e traslada ao pleno provincial a preocupación polo que está a acontecer na factoría de San Cibrao e o perigo que as decisións da multinacional poden supoñer para o emprego na comarca”.
A deputada mariñá lembrou que “a actividade de alumineira supón, en condicións normais, un terzo do PIB da provincia” e remarcou que “nesta situación de crise provocada pola Covid 19, na que moitas actividades económicas están paradas a produción da factoría, considerada actividade esencial nos decretos que acompañaron o Estado de Alarma, ten unha importancia aínda maior”.
Defensa do emprego e apoio aos traballadores en todas as institucións
Os grupos municipais do BNG na comarca da Mariña tamén instarán aos grupos dos concellos a tratar e aprobar as propostas trasladadas polos traballadores das empresas auxiliares. A este respecto, a responsabel comarcal, Ana Ermida, sinalou que “a actitude do PP na Xunta negándose a reclamar a Alcoa que manteña a reparación de cubas tal como dixo o conselleiro Conde, amosa claramente a nula preocupación desta xente pola delicada situación que se está a vivir na Mariña, donde o desemprego avanza sen que desde o goberno galego se adopte ningunha medida ou solución dedicándose únicamente a botarlle as culpas ao goberno central”.
A portavoz nacional do BNG Ana Pontón e a parlamentaria Olalla Rodil, que a pasada semana participaron nun encontro dixital cos traballadores das empresas auxiiliares, trasladarán as demandas dos traballadores ao Parlamento galego.
Pola súa banda, o deputado Néstor Rego, que tamén participou na videoreunión co persoal das auxiliares, rexistrou este martes no Congreso unha iniciativa na que solicita ao goberno do Estado que interveña ante a decisión de Alcoa de suspender a rebrascaxe das cubas para evitar que os traballadores perdan os seus postos de traballo.
O BNG presentará unha moción de apoio aos traballadores de Alcoa e das industrias auxiliares ao vindeiro pleno provincial
Relacionado
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
