Lugo, 28 de maio de 2020. O Partido Popular de Lugo asegura con rotundidade que o Goberno presidido polo socialista Pedro Sánchez, co apoio do comunista Pablo Iglesias, é nefasto para Lugo como se demostrou desde os primeiros días da lexislatura. Agora confírmase unha vez máis ao ver que por culpa da súa inacción e da súa falta de compromiso, Alcoa-San Cibrao, que representa o 30% do PIB da provincia de Lugo, anuncia un despido colectivo que afectará a 540 traballadores. Os populares din que o Goberno central, coa complicidade dos socialistas lucenses e dos seus socios nacionalistas, moi sinaladamente dos alcaldes do PSOE, actúa como enterrador dunha industria que é vital para A Mariña e para toda a provincia de Lugo. O PP anuncia novas iniciativas institucionais en apoio de Alcoa e dos seus traballadores e indica que aínda queda unha pequena marxe de tempo, de semanas, que ten que ser aproveitada polo Goberno para tomar as decisións necesarias para que a empresa teña futuro.
Os populares destacan que a historia do Goberno de Sánchez e Iglesias con Alcoa é a da inacción e as promesas baleiras; en febreiro de 2019 prometeron un estatuto para empresas electrointensivas en tres meses e a día de hoxe aínda está sen aprobar coas alegacións formuladas pola Xunta e polos representantes dos traballadores. A falta dese estatuto, que estableza un marco estable de prezos asumibles da enerxía eléctrica, é a peza clave da situación na que se atopan hoxe a empresa e os traballadores, da que o Goberno foi reiteradamente avisado. O secretario xeral do PSdeG, Gonzalo Caballero, visitou a industria o pasado 25 de febreiro, xunto co presidente da Deputación, José Tomé, pero nada fixeron.
Os populares lideraron durante meses as iniciativas políticas en defensa de Alcoa-San Cibrao en todos os ámbitos institucionais e con asistencia a cantas concentracións convocaron os representantes dos traballadores. A peza clave para garantir o futuro desta industria era o estatuto para empresas electrointensivas e o Goberno non quixo aprobalo. A presidenta provincia do PP, Elena Candia, declarou: “Dixémolo por activa e por pasiva, dixémolo nos concellos, na Deputación, no Congreso, en todos os ámbitos; a Xunta, polo seu lado, deixou claro o seu compromiso con Alcoa. Pero fallou o Goberno e fallaron os socialistas lucenses, que, por cubrirlle as costas a Sánchez, foron incapaces de presionar para lograr un estatuto como o que necesitan empresas como Alcoa. E estas son as consecuencias” .
No PP resaltan a responsabilidade que, ao seu xuízo, teñen os alcaldes socialistas da provincia de Lugo na situación que se vive nestes momentos en Alcoa. Destacan así que non tiveron o sentido da responsabilidade necesario para reclamar con firmeza do Goberno a aprobación dun estatuto electrointensivo como precisan empresas como Alcoa. Recordan tamén como o PSOE utilizou electoralmente esta industria. Así lembran que o estatuto non chegou no prazo prometido, pero serviulle á ministra Reyes Maroto para facer campaña durante meses, con visita incluída a San Cibrao; prometeu o estatuto en canto se formase Goberno, pero foi unha mentira máis, como se comproba. Cando finalmente se presentou un borrador de dito documento, en febreiro de 2020 (un ano despois de anuncialo), era claramente insuficiente, opinión na coincidían as administracións autonómicas, o sector e os traballadores. Por iso, tres gobernos de cores distintas como os de Galicia, Asturias e Cantabria, pactaron alegacións comúns. Quedou demostrado así que esta non é unha batalla política, senón de defensa da industria lucense e do emprego.
A presidenta provincial do PP, Elena Candia, destaca que a inacción do goberno e as súas decisións erradas son nefastas para a provincia de Lugo, como xa se viu co peche de Endesa-As Pontes, que daba emprego a numerosos veciños da provincia de Lugo. Candia espera que os socialistas lucenses cambien o paso e poñan os intereses de Lugo e de Galicia por enriba dos de partido e esixan do Goberno central que corrixa a súas políticas de xeito que non desmantelen a industria lucense. O PP presentará novas iniciativas en todos os ámbitos institucionais en defensa de Alcoa-San Cibrao, unha peza clave da economía non só da Mariña senón de toda a provincia. “Socialistas e nacionalistas teñen que elixir dunha vez se están co Goberno e deixan que siga fundindo a industria de Lugo, ou están cos lucenses e obrigan a Pedro Sánchez a cambiar a súas políticas industrias de xeito que non sexan nefastas para Lugo. Por non facelo ata agora, pasa o que pasa con Alcoa-San Cibrao”.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
