Burela, a 22 de mayo de 2020.- O Partido Popular de Burela denuncia a total incapacidade para dialogar do alcalde, tal e como quedou constatado, advirten, “unha vez máis ao longo destas dúas últimas semanas coa toma dunha decisión unilateral sen contar co gremio de comerciantes, nin con asociacións como a de veciños, a Acia ou os hostaleiros”.
“Segundo se nos trasladou dende o gremio de comerciantes, a actitude do alcalde Llano dista moito de ser conciliadora”, e seguen, “foi o único Concello que non se puxo en contacto con eles para a organización do mercado, pois foron eles os que tiveron que chamar de forma continuada dende principios de mes ata que se dignaron a contestarlles”, afirman.
E é que tal e como manifestaron publicamente nos medios de comunicación, este é a única entidade local que aínda lles cobra en man, pois nin tan sequera ten elaborado un rexistro dos propios comerciantes. Dende as filas populares manifestan que “noutros Concellos, por certo do mesmo sino político, ata lles fixeron entrega de kits hixiénico-sanitarios”, indican.
Dende o PP afirman, deste xeito, que “é moi normal que, nestas circunstancias, os comerciantes, os veciños e o resto de asociacións busquen algunha formación política que lles ofreza unha resposta seria, rigorosa e coa que se poda dialogar”. “Nós só trasladamos as demandas dos diferentes axentes implicados, non nos pronunciamos sobre a localización do mercado en ningún momento, o que si lle exiximos ao Sr. Llano é que cumpra con dúas funcións que son inherente ao seu cargo, a escoita continua e o diálogo, algo ao que parece que renunciou neste mandato”, continúan os populares.
“Nesta deriva que está a ter o rexedor, está bordeando a ilegalidade”. Proba delo, é que “no pasado pleno xa denunciamos que non se nos está a remitir a información que levamos demandando nas últimas semanas dende hai uns dous meses, e iso que agora non pode poñer a escusa de que non está cuberto o departamento de secretaría”, é máis, segundo afirman, “solicitamos o informe que, segundo Llano, avala o cambio na situación do mercado para a zona de Torrentes e, como non, non se nos remitiu. Se o alcalde non está a infrinxir a lei, e non está a reter a información de forma intencionada, entón dito informe non existe”, destacan.
“Pero, non sería a primeira vez que o alcalde Llano, con ese descaro habitual, lle mente publicamente aos veciños e veciñas de Burela”, conclúen.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
