Lugo, 11 de maio de 2020. Despois de esgotar sen éxito todas as vías posibles para que o presidente da Deputación convoque unha reunión da xunta de portavoces para abordar a situación na que se atopa a provincia como consecuencia da crise sanitaria e das dificultades económicas que xera, así como para fixar as medidas necesarias para axudar a superalas, o grupo provincial do PP formalizará mañá a solicitude dunha sesión plenaria extraordinaria. É unha medida que se adopta, en palabras do portavoz provincial do PP, Javier Castiñeira, á vista do “monumental rexeitamento do goberno da Deputación a convocar a reunión da xunta de portavoces que o PP solicitou insistentemente, no seu afán de colaborar de forma positiva e leal durante estes case 60 días de estado de alarma”.
Castiñeira di que os populares solicitan o pleno extraordinario “diante da inconcibible actitude autoritaria do presidente Tomé e a submisa actitude do BNG no seu intento de silenciar ao grupo maioritario, que é o do PP”. Tamén toman esta iniciativa pola “negativa do presidente a convocar o pleno ordinario correspondente ao pasado mes de abril, a pesar de que, como xa quedou demostrado, pode desenvolverse de xeito telemático; incluso dubidamos de que queiran convocar o de maio”.
O portavoz popular argumenta a necesidade da sesión extraordinaria que solicita “debido á falta de iniciativa do goberno provincial para adoptar medidas para axudar a que a provincia supere canto antes a crise sanitaria e as dificultades económicas que leva aparelladas; tamén pola tardanza na compra do escaso material de protección contra o Covid-19, case 40 días despois de decretado o estado de alarma”. Castiñeira ve con profunda preocupación “a nula acción do goberno provincial a favor dos sectores produtivos e a escasa inversión efectuada, que, ademais, está baseada en plans anuais xa existentes como o Plan Único e o Plan de Subvencións”. Por todo elo, di Castiñeira, “o grupo provincial do PP vese obrigado a solicitar un pleno extraordinario para que o goberno escoite e teña en conta as nosas propostas, que expuxemos durante estes case 60 días de estado de alarma”.
“Faremos -di Castiñeira- que Tomé compareza no pleno e comprometa partidas extraordinarias para un plan posCovid-19 que axude a nosa provincia a saír desta crise”. As propostas populares inclúen “a formación dunha comisión de seguimento, que posibilite a participación e o control no deseño e execución das medidas que é preciso tomar”.
Os populares consideran necesario “que o presidente Tomé cambie de actitude, que abandone esta actitude que mantén, totalmente retrógrada, coa complicidade do BNG; teñen que escoitar á oposición e aos sectores produtivos”. Castiñeira dixo que “no grupo popular tendemos a man para traballar e colaborar desde o primeiro momento; fixémolo, facémolo e farémolo de xeito totalmente leal e comprometido coa provincia de Lugo”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
