Lugo, 5 de xuño de 2020. A reanudación das rutas en catamarán no Sil e no Miño é unha boa noticia, en tanto que supón un paso máis na paulatina recuperación da normalidade tras a crise provocada pola covid-19. O grupo popular na Deputación lamenta que, neste reinicio da actividade, a actitude do goberno presidido por José Tomé con respecto á política en materia de turismo fluvial non mellore en absoluto. O portavoz do PP, Javier Castiñeira, cre que está claro que a Deputación mantén o que queda da súa política de turismo fluvial de mala gana, atendendo unicamente o inmediato e sen vontade algunha de mirar cara o futuro; por iso, di que “tal como está, é un servizo en decadencia, que se deixa afundir como se deixou afundir no Miño, na capital lucense, ao Pelegrín I”. Reclama “ao goberno provincial que deseñe un plan de turismo fluvial, que é un potencial grande da nosa provincia, especialmente importante en momentos como os que vivimos”.
O portavoz provincial do PP considera que neste terreo a xestión do bigoberno (PSOE-BNG) está moi lonxe de ser eficiente, é dicir, de estar deseñada de xeito que sexan utilizados todos os recursos dos que dispón a Deputación para este servizo, para que non suceda o que pasou co catamarán que operaba na capital, á altura de Os Robles (primeiro deixou de funcionar, despois deixouse afundir o barco e finalmente desapareceu o servizo, sen dar alternativas). Lamentablemente tampouco existe, indica Castiñeira, planificación a medio e longo prazo, e, como consecuencia, non hai visión de futuro. En síntese, din os populares, está claro que a Deputación mantén o que queda da súa política de turismo fluvial de mala gana, atendendo unicamente o inmediato e sen vontade algunha de mirar cara o futuro.
O portavoz popular ten claro que a Deputación está de costas ao turismo fluvial. Castiñeira declara: “Como levamos dicindo hai anos, o goberno bipartito da Deputación non ten plan ningún para o turismo fluvial, como demostran os feitos”. Destaca por un lado “a carencia de innovación e renovación de equipos durante estes últimos anos, de tal maneira, que se abandonaron os medios, os servizos e incluso as propias instalacións, como puidemos apreciar no río Miño e noutras áreas de titularidade provincial”.
Castiñeira di que o goberno provincial só se dedica a cubrir o expediente, como no día de hoxe, co acordo para levantar a suspensión do encargo a Tragsa do servizo en San Estevo e Os Peares. O portavoz provincial considera que ”está claro que o bipartito renega do turismo fluvial, polo que apostou decididamente o PP na provincia creando todos estes servizos e outros que xa non se dan; abrindo moitos dos paseos e áreas recreativas existentes”.
Castiñeira opina que “o goberno bipartito afunde o turismo fluvial igual que deixou afundir no Miño, na capital lucense, ao Pelegrín I, e dálle as costas aos rios Miño e Sil que son bandeiras turísticas desta provincia”.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
