Lugo, 12 de xuño de 2020. A xunta de goberno da Deputación aprobou esta mañá a prórroga ata finais de decembro coa sociedade pública Empresa de Transformación Agraria, S.A do contrato de mantemento das zonas verdes, tarefa da que se encargan os antigos traballadores da Suplusa que, por decisión do bigoberno provincial, pasaron a incorporarse a Tragsa; o importe desta prórroga é de 413.000 euros. En opinión do viceportavoz provincial do PP José Antonio García, este acordo demostra que se disparan os custes do servizo con respecto a cando era Suplusa a encargada destes traballos. Considera que tamén é “unha clara demostración da falta de xestión do equipo liderado por José Tomé, da súa falta de traballo, da súa incapacidade e tamén unha burla aos traballadores afectados, así como unha mostra máis do escurantismo co que gobernan socialistas e nacionalistas”. Recorda que o contrato inicial, por seis meses, tivo un importe de 400.000 euros e que foi precisa unha modificación de crédito no presuposto da Deputación para dispoñer da partida necesaria para a prórroga que acaba de aprobar a xunta de goberno. “Se se consumiron totalmente os 400.000 euros do primeiro contrato e agora fan falla 413.000 euros é que se dispararon os custes do mantemento das zonas verdes con respecto a cando se facía por medio de Suplusa; xusto o contrario do que nos dixo o bigoberno para xustificar a liquidación de Suplusa, que era -aseguraban- para adelgazar os custes na Deputación”.
O PP defendeu no seu momento, que, ao igual que outros traballadores de Suplusa, os encargados das zonas verdes debían incorporarse a servizos da Deputación. Pero o goberno provincial, desoíndo á oposición e aos propios traballadores, decidiu comprar unha acción de Tragsa; deste xeito, esta empresa é considerada medio propio da Deputación e encomendóuselle o mantemento das zonas verdes, contratando aos antigos traballadores de Suplusa. García recorda: “De nada valeron as protestas dos afectados, que incluso foron expulsados por Tomé do pleno da Deputación por expresar a súa protesta por unha decisión que consideraban inxusta”. Engade: “E seis meses despois asistimos á prórroga dese contrato e, conseguintemente, á prórroga da situación de inestabilidade total na que se atopan os traballadores”.
O viceportavoz provincial do PP declara: “O certo é que todo ten un punto escurantista que é moi preocupante. Preguntamos hai xa moitas semanas, meses, cal é o custe real de ter contratado con Tragsa o mantemento das zonas verdes, e non acaban de dicilo; socialistas e nacionalistas saberán por que, pero o que está claro e que os números cantan”.
Os populares instan ao goberno provincial a cambiar o paso e buscar unha solución estable a longo prazo para o mantemento das zonas verdes, e o que aínda é máis importante, unha solución estable para a situación dos traballadores procedentes de Suplusa.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.