Ribadeo, 14 de xullo de 2020. O presidente da Mancomunidade de Concellos da Mariña, Fran Cajoto, convocou unha reunión para mañá mércores, 15 de xullo, ás 17 horas de todos os representantes da Mancomunidade de Concellos da Mariña Lucense. Cajoto explicou que “o obxecto desta reunión é tratar as novas do conselleiro de Sanidade sobre as medidas no distrito sanitario da Mariña e expoñer, analizar e confrontar a campaña de turismo responsable na que se está traballando de forma urxente para a reactivación económica da comarca”. A xuntanza será telemática.
O presidente da Mancomunidade subliñou que “ao mesmo tempo, foi solicitada unha reunión bilateral coa Axencia de Turismo de Galicia que esperamos se celebre o antes posible. A Axencia ten a experiencia e a capacidade para apoiar ao sector no momento máis difícil que está a vivir a comarca, en plena época estival”. E lembrou que “a Mancomunidade vén de reunirse este pasado luns coa FCAM (Federación de Comercio de A Mariña) para recabar de primeira man a situación do sector comercial e hostaleiro da comarca e concordar distintas medidas de actuación para que veciños e futuros visitantes, coas debidas precaucións e cautelas, confíen e aposten de novo por consumir de forma responsable nos distintos establecementos da Costa de Lugo”.
A Mancomunidade celebra este mércores unha xuntanza telemática para tratar as medidas no distrito sanitario e expoñer, analizar e confrontar a campaña de turismo responsable na que se está a traballar para a reactivación económica
Relacionado
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
