Hai quen compara unha campaña electoral cunha contrarreloxo na que o importante é chegar na mellor posición no menor tempo posible. Outros, entre os que me inclúo, pensamos que a cita coas urnas é máis ben unha carreira de fondo, na que a cidadanía examina a traxectoria de cada quen ao longo da lexislatura e as propostas de futuro que presenta.
Os partidarios da primeira idea, a da contrarreloxo, non escatiman en recursos durante os quince días de campaña para desacreditar ao adversario, aínda que teñan que facer uso das artimañas máis detestables: de enganos, de bulos, faltar dun xeito deliberado á verdade só con fins electoralistas.
Vímolo nas pasadas semanas na Mariña cando un grupo de alcaldes, todos eles da oposición, saíron en coro baixo o pretexto do rebrote de coronavirus para asegurar pouco máis que a Xunta buscaba o contaxio masivo por querer manter as eleccións, no momento e coas garantías que marcaron os expertos sanitarios.
Escoitámoslles a moitos deles declaracións grandilocuentes, incluso nos medios de comunicación de ámbito nacional, nas que aseguraban que organizar unhas eleccións era comportarse como carniceiros e que non se daban as garantías para evitar enfermar da covid-19, porque na Mariña o brote estaba descontrolado.
O que lograron foi meter medo a moita xente, que os turistas fuxiran da Mariña e que moitos conveciños, aplicando a prudencia ante a situación alarmante que describían, non saíran das súas casas co consecuente impacto nos comercios, establecementos turísticos e de hostalería. Son responsables dun novo golpe á situación económica da Mariña, xa impactada durante o estado de alarma e polas incertezas laborais da nosa principal industria.
Falaban contra a Xunta e contra Feijóo porque había eleccións. Porque o medo sempre é unha arma de desgaste, que tamén empregaron no seu día dando por seguro un falso peche do Hospital da Mariña. Curiosamente son os mesmos que perderon a forza e a capacidade reivindicativa durante a mala xestión da pandemia polo goberno amigo en Madrid ou ante a sucesión de desprezos que desde La Moncloa facían á comarca. Daquela todos eles estaban mudos.
Agora, coincidimos na urxencia de poñer en marcha un plan de reactivación, apoio e compensación que evite o peche de moitas empresas ou a perda de empregos. Sen dúbida precisará do concurso de todas as administracións. Pero tamén sería bo ter actuado con máis sentidiño, ser máis responsables e estar á altura dos cargos que circunstancialmente nos toca ocupar, porque atopémonos ou non en campaña contra o adversario político non todo vale.
A Mariña sairá desta, superaremos a pandemia sanitaria e a crise económica e laboral conseguinte. Pero, por se as urnas non o deixaron claro, os alcaldes e alcaldesas do medo non miraban pola veciñanza, senón polos seus intereses partidistas. Agardo que teñan aprendido as consecuencias das súas palabras. E, neste caso concreto, o dano irreparable que un actuar tan irresponsable pode provocar.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
