Madrid, 15 de xullo 2020. O deputado Néstor Rego aproveitou o debate dos Real Decretos Lei 24/2020 sobre medidas laborais e 25/2020 sobre impulso económico, para reclamar, máis unha vez, unha actuación urxente por parte do Goberno para a nacionalización de Alcoa, de forma que se garanta a continuidade da actividade e os postos de traballo.
Rego interpelou directamente a Ministra de Traballo, Yolanda Díaz, para que aclarase se están dispostos á intervención da planta de Aluminio. “Por certo, Sra Ministra, están dispostos, si ou non, a iniciar a intervención pública de Alcoa? Teñen ou non a vontade política que vostede dicía, antes de ser ministra, que era o único que facía falta para nacionalizar Alcoa? Conviña que o aclarasen, porque é o que están esperando os traballadores e traballadoras”.
Ademais, no debate do Real Decreto Lei 25/2020 de medidas para a reactivación económica, a pesar de considerar que son insuficientes ou se quedan curtas, Rego manifestou a disposición do BNG a votar a favor se en paralelo os partidos do Goberno, PSOE e Podemos manifestaban un compromiso claro de nacionalización de Alcoa San Cibrao e tamén de Alu Ibérica (a antiga Alcoa A Coruña) dada a incerteza sobre o futuro da actividade e o emprego nestas empresas. “Estamos a falar, en ambos os casos de arredor de 1.500 traballadores e traballadoras e dunha actividade estratéxica” sinalou Néstor Rego, e engadiu que “se pechan suporá un impacto moi negativo especialmente na comarca da Mariña”.
Rego apuntou que a estas alturas ”sabemos que é a única solución e é o que esperan deste goberno os traballadores e traballadoras e toda a comarca da Mariña”.
Fondo COVID-19
O pleno do Congreso tamén debateu a convalidación do Real Decreto en que se estabelecen os criterios de reparto do Fondo COVID, de 16.000 M€. O deputado do BNG salientou que o Goberno volve prexudicar gravemente os intereses de todos os galegos e galegas ao non tomar en conta as características propias e diferenciadas do noso País. “No noso caso, elementos como a dispersión da poboación, o envellecemento e os índices de dependencia supoñen encarecemento e por tanto, dificultades engadidas á hora de atender e dotar de servizos básicos á poboación” subliñou.
Para o BNG os criterios de reparto finalmente adoptados polo goberno son decepciónantes e supoñen un trato inxusto e un agravio para Galiza. “Curiosamente, son aquelas comunidades que tiveron un maior número de casos as que reciben maior proporción de recursos, sen atender ao custe real que supón a atención aos pacientes nun e outro caso” destacou Rego, que tamén sinalou que con estes criterios máis de 40% dos recursos van parar a só dúas Comunidades Autónomas, Madrid e Cataluña.
O deputado nacionalista critica tamén o voto favorábel do Partido Popular a estes criterios, destacando posición hipócrita de Núñez Feixoo. “Mentres o Presidente da Xunta critica os criterios coa boca pequena, o seu partido vota a favor en Madrid, traizoando, máis unha vez, os intereses de todos os galegos e galegas. Feixoo ou é un incapaz, que non se fai respectar, ou é un hipócrita que non actúa realmente como Presidente da Galiza”, enfatizou Rego.
Medidas en materia de enerxía
No referente o Real Decreto Lei para a aprobación de medidas en materia de enerxía o BNG critica que o Goberno volve a esquecerse de incluír medidas necesarias, imprescindíbeis e realmente urxentes para Galiza. O BNG propuxo distintas iniciativas a este respecto mais seguen sen atender a situación das rexións que levan xa tempo sufrindo as consecuencias do proceso de descarbonización e transición enerxética.
Os nacionalistas ven necesario modificar a Lei do Sector Eléctrico e a Lei de Augas para que, cando se proceda ao peche de instalacións de enerxía térmica de carbón e para promover un proceso de transición xusta, estabelézanse requisitos para o acceso a puntos de evacuación ou o outorgamento de novas concesións, favorecendo a instalación de proxectos nos territorios afectados en que se ponderen os beneficios ambientais, sociais, os proxectos de desenvolvemento económicos ou plans industriais asociados.
Medidas sociais para a reactivación do emprego
Na situación de crise actual, o BNG considera inaceptábel que o Goberno siga mantendo a reforma laboral, pois supón facilitar que os actuais ERTEs acaben converténdose en despedimentos. Néstor Rego destacou que “é necesario e urxente derrogar integramente a reforma laboral, mais especialmente, os artigos que posibilitan que sexan as empresas, unilateralmente e sen control por parte da Administración, as que decidan sobre os despedimentos colectivos”. Isto é o que permite a empresas como Alcoa ou BorgWarner executar os seus plans de peche, sen ter en conta os problemas sociais que a desaparición deses postos de traballo suporán para a economía da Galiza.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
