Viveiro, 15 de xullo de 2020. O Concello de Viveiro acomete diferentes actuacións de mellora que se prolongarán ata setembro en viais do municipio e rotondas, ademais doutros traballos dirixidos a mellorar o tráfico de vehículos e peóns.
Dende este semana e ao longo de todo o mes de xullo, varios camións da Deputación de Lugo estarán traballando en Viveiro, a disposición do concello, para adecentar diversas zonas.
Grazas a esta colaboración do ente provincial, no día de onte realizaronse labores na Avda. Cidade de Mondoñedo, en Covas, e hoxe están a traballar na Capela, en Magazos. Ao longo dos vindeiros días, continuarán mellorando o firme de diferentes viais en beneficio dos veciños e veciñas.
Por outra banda, a Axencia Galega de Infraestruturas iniciou esta noite a reparación do firme nas rotondas de Verxeles, Ecce Homo e a Estación de Autobuses. Estes traballos, que se realizan en horario nocturno, realizaranse previsiblemente en tres xornadas.
Cando rematen estas labores, a Axencia Galega de Infraestruturas vai instalar un paso de cebra elevado na estrada LU-862, a uns 100 metros do IES María Sarmiento, dando deste xeito resposta a unha solicitude remitida por este concello para mellorar a seguridade da zona.
Finalmente, dende o goberno municipal tamén se realizaron as xestións necesarias coa Axencia Galega de Infraestruturas para que, en setembro, se pinten en Covas os aparcamentos de batería, tal e como solicitara a Asociación de Comerciantes Beiras de Viveiro xa hai varios anos, logrando que a consellería valorase esta posibilidade e comprendese a necesidade desta actuación.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
