Vilalba, 6 de xullo de 2020. O candidato ás eleccións autonómicas, Luis Álvarez dixo hoxe “que o 12X temos que construír un tempo novo, que faga unha aposta clara pola educación pública, a sanidade e a atención aos maiores combinada, cunha política económica e de vertebración do territorio que poña a prioridade nas persoas. O 12X Galicia debe ter un goberno de progreso que tome medidas para non deixar a ninguén atrás. Porque desta crise, ou saímos todos, ou non saímos ben”, resumiu.
Así o dixo tras realizar unha visita á Queixería Fontelas en Vilalba, acompañado da candidata da Comarca Marta Rouco, o deputado no Congreso, Javier Cerqueiro e a Alcaldesa de Vilalba, Elba Veleiro. “Esta pequena queixeria de Vilalba é o exemplo de que que hai apostar polo noso sector primario, creando emprego, reivindicando os nosos produtos con denominación de orixe e impulsando a económia da comarca”, relatou.
Nesa liña o candidato socialista lembrou tamén que o Goberno de Pedro Sánchez atendeu unha das grandes reivindicacións do sector gandeiro e dos sindicatos agrarios galegos e lucenses sobre a procedencia no etiquetado do leite e os seus derivados. Sinalou que é “unha medida fundamental para o sector lácteo galego e para os gandeiros da nosa provincia que contribúe a por en valor os nosos produtos, tanto o leite como os seus derivados, ao axudar a que os consumidores estean debidamente informados da procedencia dos produtos que adquiren”.
Tamén aludiu a unha das medidas económicas para o sector do Executivo Central trala pandemia. “Fíxose unha redución de cotizacións para determinados traballadores agrarios durante os períodos de inactividade neste 2020 e simplificamos o procedemento para o adiamento de débeda da Seguridade Social”.
Álvarez remarcou a importancia das medidas tomadas polo goberno de España para que a crise sanitaria non se convertera nunha fonda crise económica e social. “O Goberno de Feijóo non estivo á altura desta crise, houbo unha mobilización insuficiente dos seus recursos, e quero destacar ademais a aposta que se fixeron noutras comunidades, como Valencia ou Asturias, onde se consignaron axudas directas para autónomos fronte aos cero euros de Feijóo en Galicia”, replicou.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
