Ribadeo recibiu a confirmación da Xunta de 4 casos activos por contaxio de coronavirus e 20 en seguimento

 Ribadeo, 8 de xullo de 2020. O Concello recibiu a última hora da tarde confirmación da Xunta de Galicia de 4 casos activos por contaxio de coronavirus que residen en Ribadeo e de 20 contactos estreitos en seguimento actualmente.
Aquelas persoas que proveñan doutras comunidades autónomas ou doutros países e que non teñan posibilidade de dirixirse ao médico de cabeceira si sofren algún tipo de sintomatoloxía poden dirixirse ao 881 00 20 21, teléfono no que serán atendidos e avaliados, segundo as autoridades sanitarias.
O alcalde, Fernando Suárez, fai unha chamada á responsabilidade da veciñanza e dos visitantes “para que empreguen sempre máscara, para que manteñan o distanciamento social e tamén unha importante hixiene das mans. Se non baixamos a garda poderemos facerlle fronte a este virus”.