Ribadeo, 6 de agosto de 2020. A Banda Municipal de Música de Ribadeo volveu ensaiar na tarde noite de onte, mércores, despois de 5 meses sen facelo pola pandemia do Covid19. Agora os ensaios son no pavillón polideportivo da rúa Alfredo Deaño para manter as distancias de seguridade. O director da formación, David Ballester, anunciou que teñen a intención de ofrecer un concerto ao aire libre antes de que acabe este verán.
“A Banda Municipal de Música de Ribadeo está de noraboa xa que despois de 5 meses e medio aproximadamente puidemos retomar os ensaios. É unha situación totalmente anómala porque debido a esta pandemia temos que gardar unhas medidas hixiénicas e de seguridade para realizar os ensaios e por iso no local onde o facíamos habitualmente non poderíamos cumprir esas medidas, co cal o Concello, tanto por medio da Concellería de Cultura como da de Deportes, cédennos sen ningún tipo de problema o pavillón. É algo necesario polas as medidas que temos que tomar: cada músico ten que estar separado un metro e medio como mínimo dos seus compañeiros, os percusionistas e máis eu temos que estar con mascarilla durante todo o ensaio e os músicos de vento no momento que están a tocar pódena quitar, porque manteñen a distancia, pero o resto do tempo están con ela posta”, explicou o director da Banda ribadense.
David Ballester engadiu: “cremos que é importante que a Banda volva á actividade porque se seguimos esperando non sabemos o que podería pasar. A intención era cando se levantou o estado de alarma deixar un tempo para ver o que pasaba e retomar os ensaios, pero nese momento desgraciadamente foi cando xurdiu o brote aquí, na Mariña, e obviamente o primeiro de todo é a seguridade dos músicos. Por iso decidimos esperar e cremos que este foi o momento idóneo e adecuado para volver ensaiar. Antes tivemos unha reunión cos músicos e cos pais para ver se estaban de acordo con retomar os ensaios e a resposta foi magnífica, non podía ser mellor, todos estaban totalmente de acordo e no primeiro ensaio, que tivemos este mércores, aí estaban todos os músicos, respectando todas as medidas de seguridade e hixiene, como ten que ser”.
O director da Banda de Ribadeo destacou que “o primeiro é non perder o contacto da Banda cos músicos e viceversa, que a Banda non pare, e se vemos que podemos ofrecer un concerto antes de que acabe o verán farémolo. As medidas que temos que tomar fan que se amplíe o espazo que ocupa a Banda polo cal só podemos facer este concerto con todos os músicos ao aire libre. Cando remate o verán veremos se nos temos que replantear como facer as actuacións, seguramente haberá que facer outro tipo de concertos. Entón iremos vendo como vai evolucionando todo o tema da pandemia porque é o que nos vai marcar un pouquiño os pasos a seguir”.
Ballester rematou comentando que están “moi contentos e alegres todos os membros da Banda por poder volver a encontrarnos baixo o mesmo teito para facer o que nos gusta, que é música”.
A Banda Municipal de Ribadeo volve ensaiar despois de 5 meses sen facelo pola pandemia do covid19. Agora os ensaios son no polideportivo da rúa Alfredo Deaño
Relacionado
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
