Ribadeo, 13 de agosto de 2020. O Concello de Ribadeo asinou hoxe un convenio con 14 clubs deportivos ribadenses para a concesión das subvencións nominativas neste 2020. O montante total ascende a 46.000 euros. O Concello recorreu este ano a esta modalidade para intentar axilizar a xestión das devanditas axudas.
O concelleiro de Deportes, Jorge Díaz Freije, declarou que “desde a Concellería de Deportes vimos de asinar hoxe un convenio con todos os clubs deportivos de Ribadeo. Sería para este ano con subvencións nominativas, o que supón que poderían acceder a un adianto desa subvención ata o oitenta por cento. Estamos falando dunha cantidade en torno a 46.000 euros en total, no que ten que ver coas axudas nominativas. Outro apartado é o que xa se está xestionando, que é a competitiva do 19, que vai incluída co capítulo extraordinario no presuposto deste ano 2020, que serían outros 30.000 euros en total, porque vai todo neste mesmo orzamento, diversificado con distintas pautas, pero vai todo para os clubs este ano”.
O edil nacionalista subliñou que “desde o Concello de Ribadeo estamos a apoiar o deporte, sobre todo o base que é polo que sempre apostamos. Dicir que os clubs sexan cautos este ano e que pidan o que poidan xustificar. É un ano extraordinario para o deporte tamén. Desde o Concello seguimos apoiando o deporte, sobre todo base pero tamén loxicamente a competición”.
Jorge Díaz engadiu que “con toda esta cantidade económica que son sobre 80.000 euros, entre as competitivas e as nominativas do 20, pretendemos reforzar os clubs para que a xente siga facendo deporte, para que os nenos e nenas sigan practicando deporte en Ribadeo nos diversos clubs, facetas e versións do deporte. Esperemos que pronto poidamos ter unha normalidade deportiva, que poidamos disfrutar todos como víñamos disfrutando ata o de agora. Quero dar as grazas aos clubs polo seu apoio ao deporte. O Concello está a disposición deles sempre que o necesiten, onde poidamos e como poidamos sempre axudando”.
O concelleiro explicou que “este ano, para que a xestión de todas estas subvencións sexa máis áxil e non haxa tantos problemas á hora de xustificar, decidimos poñelas nominativas. Este é un sistema que cremos que aos clubs lles vai axudar na forma de xestión máis rápida e concisa para que non haxa tantos problemas á hora de xustificar, porque os cartos son de todos e hai que levar as cousas cos criterios económicos e técnicos que se marquen. Pero que con esta iniciativa agardamos que aos clubs lles sexa todo un pouco máis fácil e o deporte siga sendo unha das armas da educación”.
No acto de sinatura participaron o alcalde, Fernando Suárez, e o concelleiro de Deportes, Jorge Díaz.
O Concello de Ribadeo asina un convenio con 14 clubs deportivos para a concesión das subvencións nominativas deste ano. O montante total ascende a 46.000 euros
Relacionado
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
